浮橋水上飄 3公里長湖中浮台任你行

睇武俠小說當中有「輕功水上飄」，能夠係水上遊走，以為只係發夢哩？日前意大利Iseo湖就出現一條全長3公里嘅浮台，人係可以直接走喺上面！其實呢條橋由藝術家Christo設計，故事仲要講到40幾年前，佢同太太一直都有個心願，「人究竟可唔可浮喺湖上行走呢？」40幾年過去，太太因病離世，Christo為咗達成太太遺願，決意實行。佢揀咗Iseo呢個湖，湖之中有一所別墅，經過2年時間製作，於工廠產出以聚乙烯製成嘅方塊，並拼合組裝，組成呢條長3公里，闊16米嘅浮台。開慕當日，更加吸引咗5萬幾人前往，由於浮台只係容納1萬人行走，因為訪客都要分開走。呢條浮台用咗Christo近1億港元製作費，有無藝術含意？Christo就大方咁話：絕對無，只求訪客陶醉於當中嘅樂趣。

浮台接駁Iseo湖中嘅別墅，平時要造船隻前往。

創作者Christo為咗滿足亡妻遺願，好深情呢！

開幕當日就嚟咗5萬幾位訪客，感受水上飄之樂！

相關文章：

同人唔同命 去旅行都要講體質 有無試過：自己比蚊狂針 但旅伴完全無事

搭飛機揀位座之五大貼士

走過千里大地 只為一張婚紗相？

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！