消瘦現身 否認婚變 陳自瑤 堅信王浩信會買樓贈自己

東方新地 - 娛聞

08年拍《野蠻奶奶大戰戈師奶》,陳自瑤(YoYo)邂逅年輕兩年的王浩信,拍拖3年即結婚,當時王浩信的名氣不及YoYo,婚前更被影到親自接送Cammi謝芷蕙到其家中逗留逾5小時,凌晨5時Cammi殘爆離開,而婚後多年間,王浩信再先後同黃心穎、江嘉敏、蔡思貝傳緋聞。近日有傳YoYo對王浩信失去信任,而曾多次公開承諾買樓畀老婆的王浩信,在YoYo不知情下買咗價值3,000萬豪宅送畀媽咪,徹底當她透明,令她心碎決定分居。

今日,陳自瑤現身公開活動否認婚變傳聞 ,那邊廂王浩信在老婆出席活動前忽在IG發文:「感恩今日太陽終於出返嚟…」

撰文:東方新地|圖片:新傳媒圖片庫、王浩信IG

延伸閱讀:

挺9個月巨肚出山!吳雨霏 孖老公慶祝32歲生日

跌爛「亞洲之星大獎」杜汶澤嬲到爆粗!田蕊妮送上「復修版」補鑊

YoYo否認同王浩信離婚

36歲陳自瑤(YoYo)同34歲老公王浩信最近盛傳婚變消息,敵不過七年之癢。傳出係主動提出離婚嘅YoYo,昨日下午佢出席馬鞍山一個活動親身為離婚事件解畫,YoYo一口氣提出三點澄清:「一直首先,冇提出過離婚;第二,我冇趕老公出門口;第三,我小朋友依然同我哋住一齊,好多各方面新聞,覺得唔係事實,亦覺得好笑。」

堅信王浩信會買樓贈自己

王浩信去年5月話打算買樓氹老婆陳自瑤,目標瞄準豪宅地段淺水灣,當時王浩信回應話距離目標尚有距離。一年後他榮升視帝,又話會代囡囡送禮物俾太太,就係獨立屋!但上月24日,王浩信以3306.6萬,購入清水灣傲瀧11座高層B單位,實用面積1,837呎,呎價1.8萬元。但呢個單位送畀媽媽,陳自瑤冇份,更有傳買樓一事太太全不知情。亦有傳王浩信故意唔寫太太名,他日離婚時不會被分身家。

YoYo澄清:「絕對冇,我係知道,我想話俾大家知,作為子女,送禮物俾父母係應該嘅事,點解大家要咁樣大造文章?佢(王浩信)係應承我,但係未必係o依家。我好多謝佢送咁厚禮俾我,我係好開心,相信佢應承咗我嘢,係一定會做,只不過今次係作為仔女,首先要孝順咗父母先喇,係咪?我覺得好應該,好正常嘅事。」

冇分居 但承認一個住樓上一個住樓下

問到係咪已分居?陳自瑤話:「冇分居,(樓上樓下住?)其實係冇呢件事,不過可能係佢有個office,佢依家除咗拍戲工作外,仲有一啲生意,所以搵咗個地方做office,當然喺屋企唔方便,可能因為一件咁樣嘅事,令到大家有咁樣揣測。」即係樓上樓下?「係呀,我知道今日會見大家,所以咪希望一次過講,唔再再逐回應。」Yoyo拒用「恩愛」形容同王浩信夫妻關係,話只係「老夫老妻」。

少在IG放閃

YoYo同王浩信早年不時晒恩愛合照,但近兩年少之又少,加上YoYo近月連發出充滿正能嘅post,包括上月30日呢句:「圓規為甚麼可以畫圓?因為腳在走,心不變。你為甚麼不能圓夢?因為心不定,腳不動。奇蹟,還有個名字叫努力!」「最大的放生是放過自己!」結果惹人猜疑!

YoYo解釋:「其實一直寫嘅係文章分享,如果針對文章嚟幻想另一啲嘢,copy前copy後嚟講,係斷章取義,我冇咁嘅意思。(會唔會考慮放多啲夫妻合照放閃?)其實我哋不嬲都少post嘅,加上呢排我又要拍劇啦。」

王浩信忽發文:感恩今日太陽終於出返嚟

那邊廂,就喺老婆出席活動前三小時,王浩信喺instagram貼出一張陽光普照風景相,留言:「無論任何人的關係都是一面鏡,它映照了你的本質,好好感恩你每一天仍然能夠存在,去感受,去活着,去愛,去驗體狂喜,我就感恩今日太陽終於出返嚟。」原來太太之後在活動澄清婚變傳聞,難怪心情大好!


王浩信慈父上身 網民問:你老婆呢?

盛傳婚變的王浩信,日前在ig上載同囡囡畫畫嘅相,一副好爸爸的模樣!有網民即問﹕「where is YOYO?」、「你老婆YoYo呢?點解成日唔見post她…」

First time we work on a same piece❤️#QQ #likefatherlikedaughter #artwork

Vincent Wong 王浩信(@vincentwong07)分享的貼文 於 PDT 2018 年 6月 月 7 日 下午 10:38 張貼

講友誼

講完囡囡,王浩信又喺ig上載一張同男友人新、舊對比相片,他以英文留言﹕「真正的朋友,真正的愛。左邊的相片是現在的我和朋友的模樣,而右邊那張相片是17年前,我們在西雅圖拍攝。時光飛逝,但我們依然友誼永固,望着他,覺得所有經歷也像昨天發生,只充滿着愛和歡樂,超越國家和言語的界限,恭喜你走進人生新的一頁,為你感到高興」朋友似是即將結婚,但王浩信屢傳離婚!

恩愛合照絕跡

早年王浩信會抽空與YoYo去旅行過二人世界,仲幫老婆影落唔少索爆三點式相,YoYo仲不忘多謝老公充當其私人攝影師,不過呢啲都係06年嘅事,近兩年都冇再恩愛出埠。

陳自瑤yoyo(@chenchiyiu)分享的貼文 於 PDT 2016 年 5月 月 23 日 下午 10:03 張貼

陳自瑤yoyo(@chenchiyiu)分享的貼文 於 PDT 2016 年 5月 月 26 日 上午 12:06 張貼

陳自瑤yoyo(@chenchiyiu)分享的貼文 於 PDT 2015 年 10月 月 13 日 上午 1:27 張貼

陳自瑤yoyo(@chenchiyiu)分享的貼文 於 PDT 2016 年 5月 月 27 日 下午 11:44 張貼


陳自瑤 王浩信 最後大龍鳳

能共患難與富貴,並非人人都做得到,王浩信與陳自瑤(YoYo)近年多次傳婚變,空穴來風未必無因,男人要變心,女人忍得一時忍唔到一世。YoYo婚前一直受無綫力捧,與王浩信結婚生女後,她甘願做個平凡花旦,睇住老公王浩信扶搖直上,由三線攀上視帝之位,夫婦之間距離卻愈來愈遠,為了王浩信的形象與發展機會,YoYo對老公在外的緋聞一直逆來順受,每次有負面新聞,她都願意企出來做大龍鳳,事實卻是有苦自己知。

陳自瑤
去年王浩信與蔡思貝合作《踩過界》鬧緋聞,王浩信被指夜訪蔡思貝北角香閨,疑出軌對唔住老婆。YoYo於10月以火紅Tube Dress陪住王浩信出席商場開幕活動,以正印的高姿態為老公解畫,話王太得一個,仲爭抱好友陳敏之個仔冬至,話好想生多個。

王浩信 陳自瑤光棍日成婚

2011年11月11日上午11時,王浩信跟YoYo奉女成婚,在婚宴上老婆講感受感動到喊,王浩信溫柔抹眼淚。

王浩信
王浩信

生完囡囡冇幾耐,王浩信與YoYo一齊為劇集《飛虎》做宣傳,仲肯配合活動當衆錫錫耍花槍。

王浩信
王浩信

為個女啞忍

今次二人再傳婚變,不少圈中人都不感意外,因為早已有跡可尋,據知情者透露:「Vincent(王浩信)近年緋聞多成咁,做老婆嘅點會心安,最弊就係Vincent一啲都唔避忌,舊年同蔡思貝傳完,佢仲攬住人出嚟影相話冇嘢,一啲都唔畀面YoYo,之後都仲唔避忌,真係唔抵幫㗎!大家都睇得出YoYo好想挽救段婚姻,自己幾唔開心都好,佢都陪Vincent出嚟硬撐,結果做完戲個老公順利拎埋視帝,但關係就未見好轉。Vincent 表面上話想同YoYo 生多個又承諾帶佢去旅行,全部都係得個講字,呢半年嚟成日都話忙,到近月拍完套《兄弟》冇劇開啦!都冇守每年一次二人世界旅行嘅承諾。呢幾個月到YoYo出埠拍劇,Vincent平時連電話都冇個。YoYo辛苦為頭家,返到屋企都想老公錫吓,但有等於冇,YoYo都係行內人,聽聽埋埋唔少Vincent啲嘢,好多姊妹都勸佢唔好再忍,YoYo 為咗個女好唔忍心,亦畀咗好多次機會Vincent,可能聚少離多,佢終於諗通再勉強落去都係冇結果,所以一返香港就同Vincent講清楚,仲叫佢即刻搬走。」

陳自瑤
之後11月在無綫2018節目巡禮,YoYo再為幫老公挽形象搶視帝,翹實王浩信做大龍鳳。

痛心控訴

六年半婚姻,只有YoYo單方面努力向前行,結果徒勞無功,上月底YoYo情傷爆煲,選擇在社交網連番出文作出絕望控訴,先說:「多麼忙不重要,忙甚麼才重要!一次重要的抉擇勝過千百次的努力!今天的生活是由三、五年前選擇決定的,而三、五年後的生活是由今天決定的。」而之後另一篇「圓規論」則講到「你為甚麼不能圓夢?因為心不定,腳不動。」所有言論似是衝著王浩信而來,暗示夫婦關係已不復再,如果不是個人經歷與感受,試問怎能寫出如此到肉的文字,YoYo多年來受的委屈終於一次過爆發。

圓規心不變

買樓冇老婆份

早前王浩信以3,306萬購入清水灣傲瀧11座一個高層單位,首次做業主的他表示購入單位給母親及家人自住,有指這是婚變的其中一個導火線,事實卻是王浩信早已另有打算,知情者透露:「Vincent曾經承諾過會買獨立屋畀YoYo,依家又話要遲兩步先,要努力搵錢。其實三千幾萬絕對可以買到啦!再唔係呢層樓可以寫老婆個名,根本佢就冇諗過要買畀YoYo,明知段婚姻遲早會爆煲,佢點會咁傻,依家買定新屋都係為自己日後生活著想,等自己有個新竇,呢方面佢諗好晒。YoYo亦都知道佢用意,所以先會對呢個人絕望同死心,近日佢寄情宗教,開始返教會,早幾日先見佢搵教友訴苦,返完新蒲崗教會,YoYo個樣好愁好唔開心,仲好似喊過嚟。」

陳自瑤
攀上一線的王浩信聲稱不想將私人事掛在口邊, 所以不會經常po合照晒恩愛,亦不會因傳聞改變自己的生活方式。但事實上,王浩信自《EU超時任務》彈起後迅速走紅,到後來連住拍《不懂撒嬌的女人》及《踩過界》,名與利雙收的同時,再 不見他一家三口的溫馨場面。
陳自瑤
早前陳敏之老公William生日飯敍,YoYo與王浩信同場卻貌合神離,影大合照更分開企,令婚變傳聞更加甚囂塵上。

面對老公出爾反爾,YoYo心知以後的生活都要靠自己,近半年來她一直努力工作,5月拍完《包青天再起風雲》回港,又馬不停蹄飛去杜拜拍節目,而今年9月將升讀小一的女兒QQ,則交由爺爺嫲嫲照顧。

半年分飛燕

近半年YoYo為拍《包青天再起風雲》日忙夜忙,與王浩信聚少離多,在香港拍廠景時在「色字頭上一把刀」的牌匾前拍照,是否有其他暗喻?

陳自瑤yoyo(@chenchiyiu)分享的貼文 於 PST 2017 年 12月 月 4 日 上午 12:02 張貼

3月起程去橫店拍《包青天》外景,一拍就兩個月,之後YoYo再去杜拜沙漠拍節目,據知王浩信未有對身在外地的老婆噓寒問暖,令YoYo更加絕望死心。

陳自瑤yoyo(@chenchiyiu)分享的貼文 於 PDT 2018 年 5月 月 12 日 上午 4:26 張貼

王浩信聲稱與YoYo各有各忙,不過他於3月已拍完劇集《兄弟》,直到近日才開始為開新劇練功夫。

Vincent Wong 王浩信(@vincentwong07)分享的貼文 於 PST 2018 年 1月 月 17 日 上午 12:13 張貼

放咗3個月假,王浩信除了間中出席商業活動,在其社交網不時見佢po踩單車、健身相,仲有搵好友楊潮凱歎茶,家庭生活少之又少!

Vincent Wong 王浩信(@vincentwong07)分享的貼文 於 PDT 2018 年 5月 月 19 日 下午 10:37 張貼

Vincent Wong 王浩信(@vincentwong07)分享的貼文 於 PDT 2018 年 5月 月 19 日 上午 6:15 張貼

各自湊女

近年已不見王浩信一家三口現身公開場合,去年他為搶視帝洗底,不時湊女共敍天倫,本刊記者曾影到他帶女兒QQ到寓所附近踩單車,父女二人相處非常有愛。

王浩信
王浩信


王浩信亦不時會在社交網出po大晒父女情,但YoYo不在港的日子,女兒日常生活都是交由爺爺嫲嫲照顧。

Vincent Wong 王浩信(@vincentwong07)分享的貼文 於 PDT 2018 年 3月 月 17 日 下午 7:58 張貼

王浩信過去因工作忙唔得閒陪妻女,YoYo不時湊女外出遊玩,母女會去海洋公園,YoYo又會同囡囡落公園影花。

陳自瑤yoyo(@chenchiyiu)分享的貼文 於 PDT 2017 年 10月 月 5 日 下午 11:05 張貼

陳自瑤yoyo(@chenchiyiu)分享的貼文 於 PDT 2017 年 7月 月 20 日 上午 12:17 張貼

蔡思貝 戰鬥格示威

去年與王浩信傳緋聞後,蔡思貝沉寂過一段時間,表示想以行動告訴大家她是有實力的藝人,但最近她又故態復萌,日前與陳瀅、何雁詩等人去滑水,她身穿超低胸top配三角褲,以戰鬥格示威,咁啱撞正傳出王浩信婚變,校準時間贈興。

蔡思貝 SISLEY CHOI(@sisleychoi)分享的貼文 於 PDT 2018 年 6月 月 1 日 下午 11:16 張貼

上月底,蔡思貝po出在緬甸拍節目時影的靚相,再加一句「I’m in love!」勁風騷。

It’s Friday I’m in love 💌 . #緬甸奇幻旅程

蔡思貝 SISLEY CHOI(@sisleychoi)分享的貼文 於 PDT 2018 年 5月 月 25 日 上午 8:59 張貼

27歲青春無敵,為人熱情又玩得的蔡思貝亦唔介意全素顏出po,最近心情靚爆,與YoYo的灰色世界簡直差天共地。

Today, Shine as bright as the sun, ok? 💋 #letsfaceitdaybyday #wefaceittogether

蔡思貝 SISLEY CHOI(@sisleychoi)分享的貼文 於 PDT 2018 年 5月 月 17 日 下午 9:29 張貼

花旦撐正印

狐狸精一個都嫌多,姊妹就唔同呢!YoYo近日無論在社交網出咩post,好姊妹都會力撐,一張拿著花甜笑的照片,一句留言:「有誰想買花嗎?」陳敏之、胡定欣等即留言支持。

有誰想買花嗎?😝😝 🌸🌼🌹🌻🌷💐💐 @fleuriste_saisons #要請parttime嗎 #flowerlover

陳自瑤yoyo(@chenchiyiu)分享的貼文 於 PDT 2018 年 5月 月 31 日 下午 10:09 張貼

陳自瑤yoyo(@chenchiyiu)分享的貼文 於 PST 2016 年 12月 月 22 日 下午 10:43 張貼

姚子羚 Elaine(@elaine_yiu)分享的貼文 於 PDT 2018 年 3月 月 26 日 下午 11:21 張貼

新人高調舊人愁

正印決定放手放過自己,去年與王浩信的緋聞鬧得熱烘烘的蔡思貝卻在這個敏感時刻表現高調,近日在社交網風騷示威未停過,蔡思貝一時話自己「I’m in love!」日前仲露深坑三角褲滑水照,以戰鬥格出po,明顯心情靚絕,貫徹撩是鬥非性格。

蔡思貝 SISLEY CHOI(@sisleychoi)分享的貼文 於 PDT 2018 年 6月 月 1 日 下午 11:16 張貼

It’s Friday I’m in love 💌 . #緬甸奇幻旅程

蔡思貝 SISLEY CHOI(@sisleychoi)分享的貼文 於 PDT 2018 年 5月 月 25 日 上午 8:59 張貼

今次王浩信對婚變之說的回應是:「唔係事實嘅嘢我唔想再回應啦!多謝大家關心。」其後他再表示近年信基督教,開始學識放下,明白要活在當下,面對愛情,他聲言會接受好與壞的情況,並認為婚姻一定會有困境,要學習同汲取教訓,認為珍惜身邊本來擁有的東西已經好快樂,因為是無價。冰凍三尺,非一日之寒,當老婆係草定寶亦只有王浩信自己知,不過可以肯定嘅係YoYo唔會再幫佢做大龍鳳,以後要力挽形象就要靠自己囉!

去年被指閉門打邊爐及夜訪蔡思貝香閨,婚變傳到似層層,王浩信仲未識死,公開力撐拍檔為人,暖男上身叫傳媒唔好再傷害蔡思貝,大讚她是好用心的演員,更不避嫌搭實影相。
去年被指閉門打邊爐及夜訪蔡思貝香閨,婚變傳到似層層,王浩信仲未識死,公開力撐拍檔為人,暖男上身叫傳媒唔好再傷害蔡思貝,大讚她是好用心的演員,更不避嫌搭實影相。
去年在新加坡《星和》頒獎禮,王浩信與蔡思貝在後台全程黐到實,睇番拍劇時的合照,完全唔避忌親密成咁又的確惹人懷疑。
去年在新加坡《星和》頒獎禮,王浩信與蔡思貝在後台全程黐到實,睇番拍劇時的合照,完全唔避忌親密成咁又的確惹人懷疑。
同女唔同命,王浩信努力維護蔡思貝,對同樣傳過緋聞的江嘉敏卻避之則吉,早前拍《兄弟》開廠拉大隊放飯,江嘉敏坐正隔籬,王浩信目不斜視九秒九扒完碗飯就走人,望都冇望江嘉敏一眼。
同女唔同命,王浩信努力維護蔡思貝,對同樣傳過緋聞的江嘉敏卻避之則吉,早前拍《兄弟》開廠拉大隊放飯,江嘉敏坐正隔籬,王浩信目不斜視九秒九扒完碗飯就走人,望都冇望江嘉敏一眼。

其實多年來,王浩信由歌手到視帝、由拍拖至結婚生女,緋聞從來冇停過,睇睇佢啲緋聞對象…

黃心穎

時間回到2015年,王浩信與黃心穎繼《再戰明天》後,再次合作拍台慶劇《東坡家事》,日對夜對自然熟稔。加上黃心穎出晒名電力十足,目標無分年紀,唔傳出緋聞就奇!

王浩信
《再戰明天》劇照
《再戰明天》劇照
《再戰明天》劇照

《東坡家事》好親密

王浩信同黃心穎喺《東坡家事》飾演一對小情侶,多對手戲、又有唔少親密戲是常識吧,有傳兩人在內地拍攝外景時「山高皇帝遠」,戲內戲外都過從甚密!當時有指陳自瑤嬲到分房瞓,雖然事後YoYo公開撐老公表示信任…

《東坡家事》劇照
《東坡家事》劇照
開心自拍~
開心自拍~
睇吓影得靚唔靚先?
睇吓影得靚唔靚先?

真係好老友咁喎!

蔡思貝

去年,王浩信主演的無綫劇《踩過界》,口碑收視同樣佳,王浩信更憑「盲俠」一角首奪TVB視帝!此劇令王浩信攀上事業高峰,同時帶來另一單緋聞,有傳佢同劇中拍檔蔡思貝撻著,報道指一班劇集台前幕後相約打邊爐,但王浩信兩人匿埋入一間VIP房鎖門打邊爐,齊齊消失十幾分鐘。

否認入房打邊爐

消息傳出後王浩信大力否認,指每次打邊爐都係一大班人,另外又強調事件無影響自己同太太的感情,因為太太都知佢同思貝係好朋友。

江嘉敏

宅男女神江嘉敏喺新劇《兄弟》升呢做女一,同男主角王浩信有唔少對手戲,早前有報道指江嘉敏喺英國拍《兄弟》外景期間,主動姣黐人夫王浩信,即使返港後都頻頻主動聯絡男方!

江嘉敏唔避忌

江嘉敏被問到會否與王浩信保持距離,以免再傳緋聞,佢笑話:「都冇咩嘢要避忌,因為我同佢只係傾劇本同埋講吓啲感情戲點處理,如果咁樣都被人講,即刻要完全唔傾偈,唔講嘢!不過我媽咪都有問我單緋聞係咪真,我話『你話呢?』我媽咪知道我今次又係同劉穎鏇同房,都有叫我出入要同劉穎鏇一齊,因為佢高大,但我哋盡量都唔會外出!」

 

有傳英國拍外景期間,江嘉敏姣上王浩信,經常主動獻殷勤,買咖啡都只預對方!
有傳英國拍外景期間,江嘉敏姣上王浩信,經常主動獻殷勤,買咖啡都只預對方!

早前江嘉敏同王浩信在TVB西餐廳拍攝新劇《兄弟》,戲裡戲外江嘉敏都好主動,拍完一個shot,就表情多多不停撩人夫王浩信傾偈。另一日外景,江嘉敏亦一有機會就撩男方傾偈,反而王浩信表現避忌。

自薦幫王浩信搽油

早前二人接受《東張西望》訪問,王浩信話拍打拳戲期間,工作人員幫佢喺皮膚搽油不下數十次,在旁的江嘉敏笑話:「下次呢啲粗重嘢留畀我呢啲細嘅做!」王浩信聽到後尷尬笑話:「我嗰個年代啲女仔都唔係咁嘅⋯⋯」!

陳法拉

據知王浩信和陳法拉入行前已相識,二人同於美國讀書,在華人社交圈結識後拍拖,後來王浩信因家中生意失敗未能完成學業就先返港,並在一次卡拉OK中被唱片公司Neway發掘並簽做歌手。

識於微時

知情者稱王浩信知法拉好想入行又鍾意唱歌,所以喺一次公司卡拉OK聚會,將法拉介紹俾自己老闆薛世恆識。

女友變老闆娘

點知薛大少冇簽法拉做歌手,但就追咗對方做自己女朋友囉!雖然法拉由女友變咗做自己老闆娘,不過大家都年輕,王浩信同對方一直保持唔錯關係。其實王浩信當年知名度好一般,同Neway大少的確冇得比,所以法拉… 你懂的。法拉和王浩信兩小無猜的一段情從此被冰封,而法拉和薛世恆由拍拖、秘婚都冚到實一實,直至離婚都繼續低調。

薛大少冇簽法拉做歌手,但就追咗對方做自己女朋友!
薛大少冇簽法拉做歌手,但就追咗對方做自己女朋友!

義氣助前度

早年陳法拉放棄如日方中的演藝事業到美國讀書,要支付高昂生活費、學費,又要照顧已退休父母,所以要頻頻各地飛搵銀。法拉早前又透露首次執導拍攝微電影,劇本也在飛機上寫,佢話:「第一次拍電影乜都自己搞,今次只係小本製作,只會預五位數字成本,今次拍咗好多膊頭,會搵大家識嘅人演出,佢哋都係義演。」其中一人就係人氣勁又有演技的前前度王浩信!王浩信對於識於微時的前度法拉,直言大家一直保持聯絡,開到聲可以的話都會幫拖!

太太呷醋

王浩信大方願意拔刀相助前度法拉,之不過太太陳自瑤卻不是味兒,當時埋怨老公冇時間照顧家庭,又不時在IG出文,表面話發放正能量,但字裏行間卻負能量滿滿,係女人都介意老公同前度有任何關連,係女人就會明點解YoYo呷醋囉﹗

謝芷蕙 Cammi

呢位小姐相信大家都唔會陌生!早在2011年時,當時仲係同陳自瑤拍緊拖的王浩信被爆偷食當時只得16歲的嫩模謝芷蕙(Cammi),王浩信被拍得襯YoYo離港旅行時,親自送Cammi上自己屋企,更被YoYo撞破並破口大罵!

事後雖然嬲到一度想分手,但之後發現自己原來懷孕了,所以最後都選擇原諒和相信王浩信,其後兩人正式拉埋天窗。

成日話女大十八變,今年Cammi 23歲,身材依然咁正,樣貌都改變不少…

渣男周永恒入紙再婚 未婚妻冧爆晒婚照

渣男
渣男

渣男周永恒再婚… 盤點10個世紀賤男

賤男
賤男

懷孕38周再晒孕肚 JC疑似走光

懷孕
懷孕

【深宮計】何止死6個?起碼死多5個|《深宮計》死亡名單仲有佢哋⋯

【深宮計】變身太平公主過程曝光|陳煒 自己動手畫花鈿

陳煒
陳煒

【深宮計】胡定欣頻現高低眉 |網友:得罪化妝師?

胡定欣
胡定欣

【深宮計】宮女李美慧 被爆大肚趕嫁富商|繼女環保送BB衫

李美慧
李美慧

《宮心計2》女星激多 邊個古裝look最索?

【深宮計】籌百萬醫藥費|張慧儀獨力撫養患病養子

【深宮計】童年遭街童欺凌4年 堅強張文慈 靠信仰走出陰霾

張文慈
張文慈

馬浚偉劇透《深宮計》角色:絕對唔係正義L!

馬浚偉
馬浚偉

【深宮計】羅霖演凍齡大宮女 狂呻拍通頂捱到殘

羅霖
羅霖

馬浚偉入行25年:直覺唔會攞視帝

馬浚偉
馬浚偉

延伸閱讀:

如果睇《深宮計》平均年齡45歲班女都叫好睇 咁黎姿、蔡少芬等10位香港歷代古裝美女簡直就係無敵