港台瑜伽老師郭雅琪Niki示範動作難掩好身材 婚紗照被指疑失守走光

香港電台體育節目《港台體壇123》環節「全民運動3.3」一連五集邀請咗瑜伽教練郭雅琪（Niki）深入淺出教授瑜伽知識，Niki除咗講述做瑜伽注意事項，亦即席示範多項瑜伽動作，包括下犬式、側身平板、拱橋、倒立等。由於Niki本身上圍豐滿，加上穿上緊身白色吊帶背心及瑜伽褲，令好身材盡現，一班觀眾都忍唔住將焦點放於Niki身上，留言表示：「流量密碼」、「50幾分鐘淨係睇6分鐘已經覺得內容好豐富」、「那裏開班？」、「無限Loop」、「年度最高收視節目」等等。

Niki坐擁4.5萬IG粉絲，不時都會於IG分享生活照，唔少打扮都相當性感，實行大派福利。日前，佢就分享拍攝婚紗廣告嘅照片，同樣令人將注意力放於其逼爆上圍之上；有網民就留意到Niki疑似失守露出乳貼。不過，Niki卻指自己未有使用乳貼：「啊 無貼wo（喎）」，令人對其胸前黑影議論紛紛。及後Niki亦有出IG Story澄清自己無走光：「各位放心，係啲姐姐幫我著好咗非常安全，完全無啲咁嘅事放心。」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！