港女講日：用斜孭袋都唔係好女人？日本狐狸精4大新招

藝人洪永城及唐詩詠日前宣布分手，男方就話絕對唔係有第三者而分手，點知即刻有人爆料話蔡思貝疑似就係介入兩人感情嘅狐狸精。

個人唔太信Tony會同「達哥」撻著，可惜世事嘅嘢又真係話唔埋，唔少女人就係太信身邊另一半，畀人有機可乘!日本網站《恋愛jp》就分析咗女人最常用嘅4大溝仔招數，如果你察覺到男友身邊女性朋友有呢啲舉動就要小心提防!

1. 扮傻扮天真
港女mode高八度講「真係㗎?」、「點解既?」、「好叻呀！」，雖然會畀女人歧視，但有啲男人真係buy你又吹唔脹喎，你睇吳若希嫁到個澳門闊少老公就知啦!

2. 扮醉
明明平時同姊妹飲酒好似灌水落肚咁，點知喺男人面前就扮唔識飲，真係好卑鄙!佢咃就係靠飲醉酒呆呆滯滯又想瞓個樣吸引男人，或者借啲意示愛測試男人可唔可以同佢進一步發展。

3. 依賴對方
男性好重視女人依賴自己嘅感覺，如果女方有事淨係搵你男友商量，有咩問題都即刻打畀佢，咁你都唔知驚就慘喇，一男一女有可能係純友誼嗎?

4. 愛用斜孭袋
頭3點都明，第一次聽原來鍾意用斜孭袋嘅女人和有機心!利用手袋肩帶斜線誇過胸部，扮哂不經意凸出「雙峰」，對比起少布打扮，呢款睇落唔刻意嘅性感，係男人都一定忍唔住偷]]>𥄫