港姐出局 綜藝發圍 被指整容唔會呻 陳聖瑜自信靚過以前

·2 分鐘文章
陳聖瑜報喜不報憂,面對流言蜚語亦獨自面對。
陳聖瑜報喜不報憂,面對流言蜚語亦獨自面對。

有「翻版方媛」之稱的應屆港姐陳聖瑜雖然8強止步,但現時有兩個綜藝節目在手,並擔正做主持,極速上位!跟家人分隔兩地的她個性獨立,就算比賽以來面對不少流言仍能獨自面對,亦不介意整容傳聞,自信一定靚過以前!

應屆港姐陳聖瑜(Yvette)參賽時一直被睇好奪冠,最終卻8強止步,令人跌眼鏡。不過所謂「塞翁失馬」,賽後距今短短2個月,她已參與兩個綜藝節目,先後在《男神廚房》做美女助廚及在《讀心專家》孖黃庭鋒做主持,較同屆港姐機會更多,對此她直言感幸運:「好多謝監製畀機會,佢睇咗我以前拍嘅Vlog,見我喺片入面講咗幾句嘢都OK。」談到「讀心」,她自認睇異性較準,曾從蛛絲馬迹中揭發前度劈腿。

感激家人接濟

Yvette成為無綫藝人後放棄正職,坦言家人亦擔心她收入不穩,入不敷支:「有主動畀錢我,佢哋知我報喜不報憂,覺得我難開口要錢。」她自18歲起獨自在港生活,與家人分隔異地,煉成獨立性格,即使參選港姐期間面對再大壓力,她也不會跟家人傾訴,選擇自己消化。問是否最介意被指整容?她說:「唔係介意,而係唔知原來可以咁樣畀人講!讀書嗰陣的確唔係咁注意自己個樣,依家一定係靚過以前!」

隻身留港Lonely

對於被指突然富貴,她說:「可能社交網嘅相令人覺得我周圍去,唔使做,出入又係高級地方,其實我係返全職嘅時候趁假期去旅行,只係我冇放工作相啫!」她坦言隻身在港有時難免感孤獨,也想回家有父母陪伴及煲好湯等她,但她樂觀地說:「每個人有唔同經歷,佢哋令我更獨立,我都好多謝佢哋。」

陳聖瑜備受無綫重用,感覺幸運。
陳聖瑜備受無綫重用,感覺幸運。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能