港姐2020首輪真人面試 呢班參賽者係嚟鬥騎呢？一文睇真啲...

今屆香港小姐因疫情關係改喺網上面試，上星期已經完成網上部份，今日一班參賽者要親身去電視城進行首輪面試。首輪面試過後有幾位參賽者比較有冠軍相，包括郭栢妍及廖慧儀，唔少網民都覺得佢哋係大熱。有大熱就當然有騎呢組別，等我地同大家一齊睇下啦！

現年27歲嘅Sylvia，上年已經參加過，今年再接再厲。今次著住鮮黃色連衣裙，十分突出。

Lulu着到好似去沙灘多過去面試，鮮紅色一字膊連身裙，再加埋頂草帽。另外，仲有網民話佢同《海賊王》路飛嘅造型撞晒。

又有一位著咗紅色上身加條牛仔裙，加埋條馬尾，好似去行街咁款。

23歲嘅Yuki，可能平時少化妝，面試日面青口唇白，好似就快暈低。

以普通話溝通嘅周少褀，年紀輕輕得19歲，但著住條顯老花裙，真係一睇就知係北方佳麗。

現年26歲嘅鍾恩淇，自稱任職模特兒和演員，唔知係咪想拉近同其他佳麗嘅年紀，特意穿上花花裙，可惜隻色太殘似地布。

23歲嘅阮璟彤，喺德國慕尼黑大學畢業，可能喺外國留得耐，身型都有啲大份。

視陳偉霆為偶像25歲嘅關幸敏，係廣東人嚟香港讀書，身穿白色碎花裙, 有一份清純感覺。

23歲嘅孔雯蕙，由上海嚟香港讀大學，拎住臨時身份證都嚟參選，睇嚟做港姐真係佢嘅夢想。

呢位麗身穿全黑行政造型，著到咁穩陣應該無死，可惜佢扎咗個公主頭，成塊Pizza面露晒出嚟。