游嘉欣JW賽前投降 等睇姜麗文「飛躍」

·2 分鐘文章
游嘉欣(左)與JW今年表現大躍進,已經覺得滿足。
游嘉欣(左)與JW今年表現大躍進,已經覺得滿足。

游嘉欣與王灝兒(JW)首度入圍兼打入台慶頒獎禮「飛躍進步女藝員」5強,但昨日齊齊「認輸」,揚言睇好在《愛.回家之開心速遞》扮「姐姐」出位的姜麗文勝出!

無綫《萬千星輝頒獎禮2021》將於本周日舉行,打入「飛躍進步男、女藝員」最後5強的部分藝人,包括JW、游嘉欣、姜麗文、羅天宇及林正峰,昨日在將軍澳電視城造勢。首次入圍「女飛躍」的JW與游嘉欣率先投降,不約而同睇好姜麗文攞獎,JW表示首次提名入5強已經當贏,她笑說:「雖然都覺得自己有飛躍到,但其他人實在太犀利。今年有好多新嘗試,例如做《聲夢傳奇》導師、拍劇,已經踏出咗舒適圈。(睇好邊個?)如果有兩票,我會投畀陳瀅同姜麗文,佢哋入行多年嚟都好努力。」

游嘉欣則準備了魚尾裙出席頒獎禮,雖自覺大有進步,由籍籍無名到開始有人認識,但覺得對手太強,攞獎機會極微:「我睇好姜麗文,佢喺《愛.回家之開心速遞》同《星空下的仁醫》都做得好好。」

羅天宇諗定致謝詞

第3度挑戰「男飛躍」的羅天宇自言信心還可以,但覺得去年的《香港愛情故事》反而攞獎機會較大,更因而失眠,今年抱平常心則有覺好瞓!如果攞獎,他希望準備了數年的致謝詞不會有遺漏:「我睇好胡鴻鈞,佢唱歌、演戲都好好,《十月初五的月光》第一次做『男一』,處理經典角色好好。」對手林正峰打定輸數,睇好羅天宇跑出,所以完全不緊張。

姜麗文被各方好友睇好,信心大增!
姜麗文被各方好友睇好,信心大增!
林正峰(左)睇好羅天宇得獎,所以不感壓力。
林正峰(左)睇好羅天宇得獎,所以不感壓力。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能