湯怡過大禮齋坐唔畀郁 麥秋成跟足傳統

·1 分鐘文章
湯怡過大禮齋坐唔畀郁 麥秋成跟足傳統
湯怡過大禮齋坐唔畀郁 麥秋成跟足傳統

上月月尾,湯怡(Kathy)及麥秋成於社交平台上載甜蜜婚照宣布結婚兼即將榮升父母,並表示會入紙排期註冊,早前二人的擬結婚通知書曝光,今個月會舉行小型婚禮。婚期臨近,今日(9日)下午已完成過大禮儀式。

一張大枱都擺唔晒

二人過大禮儀式跟足傳統甚有睇頭,大堆禮品,包括大筒花膠、瑤柱花菇、龍鳳鈪、金豬牌、首飾、中式禮餅、巨型生果籃、紅酒、椰子等,多到一張大枱都擺唔晒。提到過大禮情況,Kathy笑言自己乜都冇做,只是齋坐:「我都係坐喺度㗎咋,哈哈,冇人夠膽畀我做嘢。就算我想幫手,佢哋都會話:『你唔好呀你唔好呀……』不過都好嘅,呢段時間大家都係當我一個公主咁對待。再加上秋明(麥秋成弟弟)係wedding planner,所以好多嘢都係佢幫我哋manage。」

問到身體狀況,Kathy說:「我覺得呢個感覺好奇妙,自己都好興奮,暫時未緊張,反而會同啲朋友,或者家姐傾吓生完之後bb之後會點,好多知識依家吸收緊。同埋都睇好多媽媽書,譬如坐月嘅時候應該食啲乜?懷孕期身體上會有啲乜嘢變化?同埋會補充好多supplement,希望可以有足夠嘅營養畀BB。」

好大堆頭呀!
好大堆頭呀!
龍鳳鈪、金豬牌、首飾好搶眼。
龍鳳鈪、金豬牌、首飾好搶眼。