湯洛雯PO近照指兩個月無心情外出 惹變臉疑雲：兩個月唔出門要消腫？

湯洛雯（靚湯）與馬國明（馬明）於去年12月泰國蘇梅島幸福完婚，屬於易肥體質嘅湯洛雯體重最高峰時曾超過120磅，為做個靚靚新娘成功於婚禮前修身成功，婚後亦保持勤做運動嘅習慣，包括打羽毛球各和瑜伽等等，狀態亦非常好。日前，湯洛雯於社交平台大曬近照，不過就惹變臉疑雲，有網民表示唔認得佢。

湯洛雯分別上載咗一張大頭自拍照及一張半身相，寫道：「下了兩個月大雨，基本上完全沒心情外出，難得今天整裝外出，要拍個照記錄一下#再係咁我就要去旅行#好藉口」，不過網民就將焦點放喺湯洛雯樣貌上，有網民大讚佢係「靚靚馬太」，但係相中湯洛雯嘅V面加筆直間尺鼻令網民懷疑佢整容或P圖過勁，直指認唔到佢：「講真你真係有啲唔同咗樣，我意思喺電視睇你同依家」、「整咗容，所以兩個月唔出門要消腫？」、「點解落咗2個月雨，個様都唔同咗？係整咗容or P圖技術變好咗？」、「膠味濃」、「第一張仲以為係jessica...」、「又整左…」、「唔認得出」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！