潛水半年被「出賣」行蹤!黃心穎暴瘦現身 參加法會笑晒口

·1 分鐘文章
潛水半年被「出賣」行蹤!黃心穎暴瘦現身 參加法會笑晒口
潛水半年被「出賣」行蹤!黃心穎暴瘦現身 參加法會笑晒口

前港姐黃心穎亞軍2019年被爆與許志安偷食後曾遠走美國避世,返港後尋求復出機會,可惜事與願違,一直無所為,要花積蓄度日,早前就急放樓盤套現,而社交網就自從喺1月上載生日照後就神隱多時,不過就被「出賣」,ViuTV節目《晚吹 - 總有一瓣喺左近》主持詹朗林(JJ)尋日(22日)就上載咗同黃心穎合照!

黃心穎(右二)相隔大半年再出現喺社交網!
黃心穎(右二)相隔大半年再出現喺社交網!
詹朗林上載同黃心穎(右二)及心美(最右)合照!
詹朗林上載同黃心穎(右二)及心美(最右)合照!

佢哋都着上白色衣服參加慈山寺法會,潛水多時嘅黃心穎素顏現身,消瘦不少,昔日嘅Baby Fat、包包面已經冇咗,不過就面露燦爛笑容,似乎相當開心。而同場仲有曾係ViuTV一姐嘅家姐黃心美,不禁令人聯想唔通黃心穎想搭路過檔?


黃心穎(最左)瘦咗好多!
黃心穎(最左)瘦咗好多!
前演員林偉亮(衍偉法師)(右二)同佢哋一齊影相!
前演員林偉亮(衍偉法師)(右二)同佢哋一齊影相!

有網友就笑問詹朗林:「你入去追星!」佢就話:「每一位參與法會嘅人士都係有緣人, 而佢哋本身全部都係我好朋友😊」而黃心穎去年11月就曾上載到慈山寺嘅相,睇嚟非常誠心!

黃心穎去年都去過慈山寺洗滌心靈。
黃心穎去年都去過慈山寺洗滌心靈。
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能