【潮語對白多到嘔？】《溏心風暴3》噚晚首播 網民有咩評價？

人氣劇集《降魔的》播畢後，緊接上演嘅係台慶重頭劇集《溏心風暴3》。噚晚就播咗第一集，想知道觀眾對《溏心風暴3》有咩評價就睇落去啦！

1. 劇情／演員食老本

劇集播放前已經好多網民狠批無綫食老本、冇新意，點知睇完第一集發覺演員係同前兩輯係有唔同嘅，不過主軸仍然係夏雨、李司棋、米雪及關菊英，而且佢哋嘅演法及人物性格同之前差唔多，再加上啲對白刻意重複冇以前咁有吸引力。

2. 黃宗澤好型

劇中Bosco有錢又有型，女朋友多到數不完。事實上以前好多人會覺得佢係花o靚仔，但而家年紀越大越有男人味，有鋼條身形著衫好型，又有靚仔外表，真係好吸引。

3. 米雪保養得好好

劇中嘅米雪保養得好好，同後生嗰時樣貌變化不大，完全睇唔出佢已經62歲，米雪保養得宜，網民都問「藥箱都變首飾箱」係咪真係咁有效。

4. 對白好娘有意無意講金句

《溏心風暴》第一輯創造出唔少有意思嘅金句令網民津津樂道，到第三輯《溏》繼續有意無意講金句仲加入咗大量潮話，不過就老土咗啲。例如「君子愛財，取之有道」「不要做狗公，不要去狗衝」「有請小鳳姐！熱烈地彈琴，熱烈地唱」，又有「俾個like你」、「是咁的」、「說好的」、「一定係，除非唔係！」等。

5. 失望陳偉琪色誘黃宗澤畫面被刪剪

自從無綫出「限奶令」後，一眾小花都冇得喺節目騷火辣身材，連劇集都唔可以有過分賣弄性感，強姦及床上戲等場面。噚晚本來有陳偉琪嘅性感演出，Bosco同佢喺酒店房纏綿，之後Bosco除浴袍，陳偉琪準備除衫，點知鏡頭一黑，咁就做完啦！陳偉琪話拍攝時除剩個nubra場面仲激，但因為「限奶令」所以被刪剪，一班網民大叫失望。