炎明熹Gigi疑遭TVB雪藏 傳鍾柔美Yumi接手工作 私下合體齊賀哈囉喂

炎明熹（Gigi）透過歌唱真人秀節目《聲夢傳奇》奪冠出道，一直以來備受力捧，不但獲安排參與TVB和芒果TV合辦嘅大型綜藝節目《聲生不息》，令其於香港及內地人氣急升，又曾舉行首個個人演唱會《Gi-FORCE》。不過，有傳炎明熹因續約問題遭TVB「雪藏」，工作量大減，近期都係喺社交平台上PO貓咪相和cover唔同歌曲為主。相反，好姊妹鍾柔美（Yumi）工作機會就大增，上月更疑似頂上原本由炎明熹出席嘅活動，鍾柔美當時就表示係由公司安排，唔擔心會影響與炎明熹嘅友誼，又指冇諗過取代對方。

日前，炎明熹於IG限時動態分享與一班聲夢學員到主題樂園玩鬼屋嘅照片，包括鍾柔美、潘靜文、張馳豪、林智樂、林沚羿及蔡愷穎，眾人一齊扮鬼扮馬，當中以炎明熹最放，將臉部塗白並用頭髮遮住半邊面扮日本幽靈，鍾柔美則於臉上化上流血妝容。鍾柔美亦有喺IG出PO，上載當日靚相及留言話：「Trick or treat」; 張馳豪亦於社交平台分享多張照片，寫道：「是青春的感覺呢」，從照片中睇到，眾人玩得非常盡興，炎明熹與鍾柔美似乎未有因傳聞影響友情。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！