為拍戲炸死退役軍犬 餵飼員目睹勁崩潰 劣跡導演姚守崗被翻舊帳

·3 分鐘文章

內地「劣質藝人」被封殺嘅風波越鬧越烈,趙薇作品一夜被下架之後,傳言唔少一線明星都被指即將被當局「招呼」。官方打壓以外,唔少經理人都擔心被網民搵到黑材料而出事。內地導演姚守崗最近就成為眾矢之的,但係睇返佢被批評嘅原因,又的確唔抵可憐。

為拍戲炸死退役軍犬 餵飼員目睹勁崩潰 劣質導演姚守崗被翻舊帳
為拍戲炸死退役軍犬 餵飼員目睹勁崩潰 劣質導演姚守崗被翻舊帳

姚守崗1993年執導嘅電影《犬王》,描述抗日時期中國人訓練狼狗突襲日軍嘅故事,片中甚至有犬隻咬住個炸彈進行自殺式襲擊。

為拍戲炸死退役軍犬 餵飼員目睹勁崩潰 劣質導演姚守崗被翻舊帳
為拍戲炸死退役軍犬 餵飼員目睹勁崩潰 劣質導演姚守崗被翻舊帳

近期有網民翻出姚守崗2007年嘅專訪,提到拍攝《犬王》嘅時候,姚話「必須要死一隻狗」,於是假戲真做,真係將一隻退役軍犬當場炸死!姚守崗喺訪問入面解釋,當時有3部攝影機喺唔同角度影住,只可以真做;而隻軍犬已經年老多病,咁做反而可以減低佢嘅痛苦,又喊咁口話好難受。

更可恥嘅係,有傳拍攝前呢隻軍犬嘅飼養員毫不知情,眼白白睇住愛犬突然被炸到支離破碎,喊到死去活來。

為拍戲炸死退役軍犬 餵飼員目睹勁崩潰 劣質導演姚守崗被翻舊帳
為拍戲炸死退役軍犬 餵飼員目睹勁崩潰 劣質導演姚守崗被翻舊帳

當年訪問出街之後姚守崗已經備受批評,佢再解畫話自己都係愛狗之人,但係因為冇錢冇特技所以要炸死隻狗,又叫網民代入諗下可以點拍。

為拍戲炸死退役軍犬 餵飼員目睹勁崩潰 劣質導演姚守崗被翻舊帳
為拍戲炸死退役軍犬 餵飼員目睹勁崩潰 劣質導演姚守崗被翻舊帳

呢番言論被「出土」之後網民紛紛狠插姚守崗冷血兼無人性,有人話細個睇過套戲,以為只係以特效處理,冇諗過隻軍犬真係壯烈犧牲。甚至有傳被炸死嘅軍犬曾經立過三等功,唔應該有咁嘅下場。

而家網民不斷喺內地影評網豆瓣將《犬王》評伙最低分一粒星,整體評價跌到得2.1分。亦有報導話2010年時姚守崗嘅訪問喺內地微博瘋傳之後,古巨基、吳青峰、蕭敬騰等藝人對姚導做法一致負評。

而家未知現年81歲嘅姚守崗有冇手尾要跟,但係有網友按照姚導「代入諗下」嘅說法,建議姚守崗自導自演套抗日神戲,劇情仲係要佢綁炸彈同日本人同歸於盡,由姚守崗親自上陣……

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能