雅虎香港新聞 營養師都讚 日本大熱「乳酪加洋蔥」3星期輕9磅！？
日本出品嘅「神奇減肥法」非常多，一啲你冇諗過嘅飲食配搭，原來都可以幫你減膀!
早前日本綜藝節目《得する人損する人》介紹用乳酪減肥，請來女藝人實測示範，食飯時配搭一種常見食物，最後成功喺三星期減到4.1kg，好似好work咁，即刻睇吓點食先!
「秘方」就係加洋蔥!將半個洋蔥切好，加200g無糖乳酪及半茶匙鹽，混合攪拌即可進食，超簡單。可放入雪櫃保存，每日食50g洋蔥乳酪。留意洋蔥要揀生洋蔥，洗乾淨切好浸水放30分鐘，可以減少攻鼻味道。女星井上咲樂親身測試3星期後，喺冇特別控制食慾下成功瘦身4.1kg，腰圍足足減咗7.7cm!
營養師吳瀟娜(Lillian)解釋，乳酪含豐富蛋白質及益生菌，維持腸道健康，有利排便。洋蔥則含一定膳食纖維 (1個洋蔥大約有2克膳食纖維)，而洋蔥內嘅寡糖係益生菌嘅食物之一，可以促進腸道益生菌生長。「乳酪加洋蔥呢個組合對減肥消脂未必有直接作用，但可以幫助排走宿便，令體重減輕。」
Lillian補充，如果想達到最大瘦身效果，建議揀低脂和原味乳酪，因為脂肪含量和糖分較少，熱量亦會較低。至於生食洋蔥，可以吸引較多維他命C，一般洋蔥分紫、黃和白三種色，黃色和白色味道較清淡和甜，較適合生食。
不過洋蔥配乳酪，未必啱個個人口味，Lillian提議乳酪可以搭配燕麥，燕麥含豐富膳食纖維和寡糖，同樣對腸道健康有益；洋蔥可以搭配番茄及藜麥，加少少橄欖油做沙律，藜麥含豐富纖維、蛋白質及澱粉質，搭配洋蔥及番茄，係一個低熱量但營養價值全面嘅正餐。
吳瀟娜(Lillian)
香港營養師學會認可營養師、「家營營養中心」營養師、中大食物及營養科學學士。
擅長以簡單方便食品，設計能配合香港女性生活態度的健康餐單。
圖片來源：節目截圖,pakutaso,FAGE,iStock
更多相關文章
