爆港姐着泳衣秘聞 陳曉華諗過「僭建」 黃嘉雯自誇堅料

·1 分鐘文章
黃嘉雯(左)與陳曉華大談選美時的小秘密。
黃嘉雯(左)與陳曉華大談選美時的小秘密。

歷屆港姐冠軍包括陳曉華、黃嘉雯、葉翠翠、翁嘉穗及劉倩婷等前晚在將軍澳電視城為節目《開心大綜藝》擔任嘉賓,眾人在港姐主題音樂伴奏下出場,猶如重新選美,同場還有不少選美出身的女藝員如何依婷、陳楨怡等載歌載舞。節目中又大談港姐秘聞,黃嘉雯受訪時笑說:「講吓以前着泳衣嘅秘密。(有冇偷偷加胸墊?)冇,我真材實料,其實都唔可以加,泳衣係服裝同事安排。」陳曉華則自爆曾想加墊「僭建」:「我都想加,但係唔畀,只係黐實啲膠紙避免走光。」

翠翠指節目中被安排坐在陳曉華及黃嘉雯旁邊,對上鏡感到擔心,她笑說:「我發覺個頭同身形都闊佢哋一倍,雖然最近減咗15磅,但生咗3個又踏入『4』字頭,真係冇得揮,要行埋一邊。」帶了其中兩名兒子亮相的她,被問到可會再生?她說:「唔會喇,真係驚會冇命,好辛苦,冇晒自己時間,換片、食飯,每日好似打仗咁。最大問題生完BB情緒係有改變,產前抑鬱都未搞掂,又嚟產後抑鬱,前後6次抑鬱,要靠運動走出抑鬱狀態。 」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能