爆肌佬味濃!「烏鴉」張耀揚近照曝光獲網民大讚有型

·2 分鐘文章
張耀揚
張耀揚

現年57歲嘅張耀揚(Roy),可以話係娛樂圈中最適合演反派嘅人選之一,當年佢憑電影《古惑仔3之隻手遮天》飾演烏鴉一角,顛顛喪喪嘅形象深入民心,紅遍中港台。但佢2014年客串《大話天仙》後便淡出娛樂圈。之後佢除咗去偏遠地區做善事之外,仲轉往澳門發展,喺賭場擔任公關。雖然已經冇喺幕前發展,但佢嘅身形依然keep得好好呀!

上年,佢以一頭白髮造型現身內地活動,其後被網民貼出近照,唔少網民都大讚佢眼神依然凌厲及男人味爆晒燈,更被封為港版教父。最近有網民上載佢嘅近照,西裝骨骨嘅張耀揚喺澳門出席飯局,佢嘅身形明顯變得更大隻,左手戴上價值六位數名貴手錶。另外,抖音亦有流出一條名為「上海灘之夜」嘅片段,片中張耀揚與一名紅裙女子合唱《誰令你心痴》,雖然片段就聽唔到張耀揚嘅歌喉,不過睇落佢好似好享受。

唔少網民睇完相片及影片後,紛紛留言大讚佢有型,例如「有一種歷經歲月的帥」、「頭髮雖白,氣場猶在」、「越來越有型」及「還是那麼有魅力」等等。

張耀揚
張耀揚
張耀揚
張耀揚
張耀揚
張耀揚
張耀揚(網絡圖片)
張耀揚(網絡圖片)

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!