父女裝上陣搶Fo!郭晉安拒劇透 叫囡囡追問拍檔

郭晉安難得帶女兒出席活動,周嘉洛爭住集郵。
郭晉安難得帶女兒出席活動,周嘉洛爭住集郵。

視帝郭晉安昨日偕女兒宣傳新劇,穿紅色父女裝上陣非常搶鏡。安仔透露女兒首次欣賞他的劇集,因抵受不住每晚被追問劇情,索性帶她到場「狙擊」同劇演員。

郭晉安、陳煒、周嘉洛、游嘉欣、林正峰、陳嘉慧與吳偉豪等,昨日出席活動宣傳無綫劇《回歸》,吳偉豪因看錯時間,於活動尾聲才出現,甫到場即向監製林志華「耍冧」。

安仔與11歲女兒穿父女裝到場,他透露正值暑假,加上故事題材正面,故讓女兒首次欣賞其劇集,更指她每晚追問劇情,但為免劇透而不告訴她:「每晚都問我官司會唔會贏,我話係商業秘密唔講得,所以叫佢今日嚟問吓啲同劇演員。(囝囝有冇睇?)佢好忙好多嘢做。(咁《白色強人Ⅱ》畀唔畀個女睇?)應該睇唔到,因為佢怕血。」

游嘉欣林正峰唔過電

對於馬國明希望今年與他及陳豪一齊稱視帝,安仔表示今年成績不錯,但會出現自己打自己的情況。問到想不想再攞獎?他說:「係觀眾鍾意啲乜!對上一次攞獎係幾年前,近年公司好多新人,好似周嘉洛同吳偉豪都好出色,可能喺處境劇訓練得好好,所以演出時冇任何沙石,好難得,應該有啲獎鼓勵吓。」

提到游嘉欣、林正峰、吳偉豪、陳嘉慧與緋聞男友許俊豪日前出海,問林正峰可有欣賞游嘉欣的性感泳裝?女方搶着說:「佢唔睇我呢啲,我唔係佢個Type。」而林正峰坦言首次見對方着泳衣,問到是否大開眼界?他笑言:「當日只係集中教練教我嘅嘢,因為我驚水。」而陳嘉慧透露許俊豪是吳偉豪邀請,並否認戀情:「暫時都唔想拍拖,瞓覺都冇時間。(覺得佢追你?)唔覺,大家純粹係朋友。」

吳偉豪與陳嘉慧獲無綫力捧,曝光率極高。
吳偉豪與陳嘉慧獲無綫力捧,曝光率極高。
游嘉欣強調單身,不覺有追求者。
游嘉欣強調單身,不覺有追求者。
游嘉欣與林正峰繼續否認拍拖。
游嘉欣與林正峰繼續否認拍拖。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能