鍾嘉欣李亞男索爆陪嫁 重溫近年星級姊妹團

藝人結婚好多時都會搵一班圈中好友做姊妹團，所以一場婚禮除左新人之外，星級姊妹團都會特別受到大家注目，而家就同大家重溫近年5對索爆姊妹團。

王君馨
王君馨日前同圈外男友Daniel喺美國紐約舉行婚禮，一班姊妹團包括員鍾嘉欣、李亞男、衛蘭、裕美及圈外好友專程飛去紐約參加。而鍾嘉欣除左做姊妹，仲要做埋大衿姐。一班好姊妹仲準備左一首歌送俾新人。

胡杏兒
胡杏兒姊妹團嘅成員幾乎全部都係圈中人，包括胡說八道會嘅胡蓓蔚、胡定欣、李施嬅、黃智雯、姚子羚等等 。相片中可以睇到佢地深厚嘅感情、默契同一致嘅笑容。

張名雅
張名雅嘅姊妹團名包括有陳庭欣、何傲兒、唐貝詩、譚凱琪、林奕匡未婚妻李靄璣、以及幾位圈外朋友。雖然唔係全部都係藝人，但望落個個都好省鏡架。

鄭希兒
鄭希兒結婚時搵咗好多英皇好朋友擔任姊妹團，阿Sa、阿嬌、容祖兒、應采兒等等，一眾姊妹穿上粉紅色露肩短裙，性感程度爆燈。

楊怡
楊怡同羅仲謙結婚邀請唔少圈中人士參與，就連姊妹團都備受觸目，有姚嘉妮、張美妮、唐詩詠、康華、馬賽、楊卓娜，佢地都著住粉紫色露肩裙，個個都笑容滿面。