王祖藍退出新劇 蔡思貝等候發落

東方日報
·1 分鐘文章
本是劇集主角的蔡思貝,相信無綫會有更好安排。
本是劇集主角的蔡思貝,相信無綫會有更好安排。

無綫首席創意官王祖藍原定4月回巢開拍古裝喜劇,但據知因要協助副總經理曾志偉完成綜藝節目改革,分身不暇,故已正式辭演,他受訪時說:「暫時綜藝呢邊比較忙,想專心協助獎門人處理綜藝工作先。」但劇中主角蔡思貝與陳瀅暫未收到消息,思貝說:「冇聽過。(失望?)如果係真,一定有更好計劃,等公司安排。」而陳瀅則說:「乜都未知,但我對套劇好期待,一來未拍過古裝,二來我好鍾意拍喜劇!」

此外,張振朗與高海寧擔演的劇集《童時愛上你》要押後開拍,監製廖晉碩表示想執靚劇本,不過,有指角色只有8歲智商的高海寧直踩上高層曾勵珍房間投訴劇本唔掂,對此她無奈說:「監製解釋咗,我唔相信我一個人嘅諗法會令到公司停廠,又要重新寫劇本,知唔知咁樣要用好多錢?所以絕對冇咁嘅事!」

王祖藍忙於籌備綜藝節目,冇時間拍劇。
王祖藍忙於籌備綜藝節目,冇時間拍劇。