王菲烈燄紅唇 Chok甫挑戰難度

東方日報
·1 分鐘文章
穿高踭鞋有點辛苦,擺躺下的甫士正好乘機抖一抖。
穿高踭鞋有點辛苦,擺躺下的甫士正好乘機抖一抖。

前港姐王菲最近請攝影師為她拍攝一輯「烈燄紅唇」照,Chok到盡影靚相。拍完後,她即準備大餐獎勵自己。

王菲近期忙拍無綫重頭劇《白色強人II》,趁放假休息找來攝影師影靚相,發掘自己的可塑性。今次她與攝影師、化妝師商量之下,拍攝一輯火紅靚相。穿上紅色裙子、化了一個烈燄紅唇的濃妝,相當搶鏡,她說:「自己未試過咁樣影相,感覺有啲似拍廣告,想試吓特別啲嘅造型,自己好鍾意紅色,所以就揀咗個火紅色嘅Look。」

高踭鞋吃不消

她應攝影師要求,擺出多個Chok到爆的甫士,亦趁機晒美腿:「未擺過咁有Mood嘅甫士,都係現場攝影師教我,有啲仲要攝影師親自示範。着住高踭鞋影相有少少攰,不過入行2年,都開始慢慢適應,依家可以企到幾個鐘,哈哈。」

影完靚相又餓又攰,王菲準備好大餐「慶功」,她笑說:「好耐冇去日本,所以訂咗長腳蟹同埋海鮮同屋企人食餐好,長腳蟹好好食,勾起去日本旅行嘅感覺,希望疫情快啲過去,可以去旅行。」

罕有化上濃妝艷抹,以求留下美好倩影。
罕有化上濃妝艷抹,以求留下美好倩影。
王菲為影靚相而捱餓,事後放縱大吃一餐。
王菲為影靚相而捱餓,事後放縱大吃一餐。