玫瑰的故事丨霍建華劉亦菲成螢幕靈魂伴侶 現實中情史豐富 與林心如結婚8年

TVB外購劇《玫瑰的故事》正熱播，劇集改編自1981年當代小說家亦舒同名長篇小說，由劉亦菲、佟大為、萬茜、林更新及霍建華等演員演出。劇情以黃亦玫（劉亦菲飾）跨越二十餘年嘅成長故事與情感心路為主線，帶出全力以赴活出自由嘅故事。其中，令人感動嘅劇情包括黃亦玫（劉亦菲飾）與傅家明（霍建華飾）嘅一段情；藝術家傅家明對藝術有敏銳洞察力和理解力，與黃亦玫之間有許多共通點，二人相遇好快產生共鳴成為靈魂伴侶，即使傅家明身患絕症，黃亦玫亦陪伴對方到最後。

現實中，霍建華和林心如結婚8年，二人於2006年合作拍攝電視劇《地下鐵》結識而成為好朋友。其後，林心如2011年為《傾世皇妃》擔住製作人，力邀霍建華擔任男二，繼而透過相處成為情侶。霍建華和林心如關係一直非常低調，直至2016年5月公開戀情，隨後宣布結婚，2017年誕下女兒「小海豚」。林心如接受媒體訪問期間，透露與老公相處好現實，並唔會好似偶像劇入面咁浪漫，老公出門口淨係會講拜拜，但就會去錫啖囡囡。

喺霍建華和林心如相愛前，霍建華情史豐富，曾與陳喬恩、葉璇、張馨予及唐嫣等女星傳緋聞。陳喬恩係霍建華第一位承認嘅女友，二人於2003年拍攝《千金百分百》擦出愛火花，被媒體影到一同逛夜市買內褲令戀情曝光。不過，戀情維持不到半年就分手收場；霍建華曾透露指自己滿足唔到對方，表示自己重視獨立與自由，但陳喬恩渴望陪伴，於是分開。另外，霍建華曾被影到與葉璇於橫店漫步兼共用一傘而傳出緋聞，二人當時回應指大家係認識多年嘅好朋友，不過葉璇坦認有一定好感，指將來嘅事唔知，但大讚男方好人。2013年，張馨予與李晨分手，當時有指分手原因係與霍建華撻着，霍建華捲入張馨予劈腿疑雲一事引起網民關注。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！