甜蜜倒數 公開戀情? 吳卓羲全家捧菊梓喬場:嚟得仲怕咩!

·2 分鐘文章
吳卓羲第一次睇倒數騷就獻了給菊梓喬,關係不言而喻。
吳卓羲第一次睇倒數騷就獻了給菊梓喬,關係不言而喻。

藝人吳卓羲(Ron)與菊梓喬(Hana)傳緋聞,雖然2人曾否認,但前晚卻有突破性發展!Hana除夕夜為跨年騷表演,Ron竟毫不避嫌舉家捧場,面對大批記者追問戀情,他未有閃縮迴避,更豪言:「其實我嚟得仲怕咩!」Hana對此則甜笑回應:「新年快樂!」

郭富城、李克勤、草蜢、菊梓喬等前晚於中環海濱活動空間舉行、由NEW TV主辦的《2021美麗的夜香港跨年演唱會》演出,曾跟Hana傳緋聞的吳卓羲「突然」現身睇騷,即惹來大批傳媒追訪,他完全未有閃縮迴避,更自爆:「我買飛嚟睇㗎,我全家都嚟咗!(捧Hana場?)除咗佢,仲有草蜢,不過佢都有叫我捧佢場,大家都係好朋友。」

記者隨即指他們台上台下一起倒數很甜蜜,Ron則說:「我都係第一次睇倒數騷。(嚟捧場係咪公開放閃?)唔講呢啲嘢!(佢係你女友?)唔講呢啲!(一家人嚟睇見家長?)你哋逼死我啦!(睇完騷點慶祝?)我今晚要早啲瞓,聽日有工作,要去謝票。(你咁唔浪漫㗎?)我唔想喺密室開Party,我嚟呢度都預咗見到大家,其實我嚟得仲怕咩!」全程兵來將擋,也沒有否認或承認Hana女友的地位,明顯2人絕非好朋友咁簡單!對於Ron捧場,Hana昨日於電話中甜笑回應:「新年快樂!」而跟Ron於劇集飾演情侶的蔡思貝同樣自掏腰包帶父母睇騷。

城城要扮財神

「吳菊戀」固然好睇,但眾歌手台上的演出都相當吸睛,舞王郭富城勁歌熱舞,與16,000名觀眾一起倒數,把現場氣氛推至高峰,城城太太方媛亦帶同兩名女兒捧場,城城表演完畢時更向台下的女兒飛吻,畫面溫馨。事後他受訪時透露兩歲細女首次觀賞他於台上表演,對於日前聖誕節化身聖誕老人氹寶貝女,城城冧爆地說:「呢啲角色係爸爸做,為咗佢哋我願意赴湯蹈火。(過年使唔使扮財神?)梗係要,一Set嘛!」

而任賢齊首度參與香港跨年活動,透露吹住海風唱歌有點辛苦,但都不及日前拍《臨時械劫》槍戰場面凍到想喊。而穿上短裙的周慧敏演出時被Dancer摸住玉腿,都相當火辣。

菊梓喬
菊梓喬
城城在台上勁歌熱舞。
城城在台上勁歌熱舞。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能