生力啤酒原來好「香港」！ 70 周年推出 18 區限定罐

唔講唔知，原來生力啤酒是唯一有於本港自設大型啤酒廠的啤酒品牌！生力於 1890 年在菲律賓成立，自 1914 年起出口至香港，香港生力於 1948 年在深井建立啤酒廠，及後啤酒廠遷至元朗，多年來，每日新鮮釀造啤酒。

香港生力啤酒廠創辦 70 周年，生力特別以 1948 年生產的第一支生力啤酒作設計藍本，推出限量復刻版酒樽，於各大中式酒樓、士多辦館有售，另外亦有 12 罐禮盒裝，附送復刻版啤酒一支，方便顧客於超市買返屋企飲。有得飲之餘，生力仲復刻返超 Old School 嘅「即揭即中」體驗，即日起至 7 月 13 日，買珍藏版大樽裝，揭中印有生力啤酒品牌商標及 2018 字樣，或生力 2018 字樣的樽蓋，即賞你旅遊禮券或超市禮券。

唔鍾意玻璃樽唔緊要，生力亦將於 5 月下旬起推出「香港生力 70 周年 18 區限定罐」，首先登場的特別罐包括荃灣區、灣仔區、油尖旺區、深水埗區、東區及離島，罐身記錄著各地區的標誌性建築、演變和發展，除咗啤酒味，個罐都勁有本土味。以上未有你嗰區？唔駛心急，限定罐將會分階段推出，或者好快就會見到你住嗰區啦！

除咗新樽新罐，香港生力更會走上街頭，生力姐姐會坐住於懷舊三輪車，喺尖沙咀搞街頭遊戲活動，將巴士站變身為電玩專區，完成簡單遊戲即刻送你「香港生力 70 周年地區限定罐」，慢慢飲住等巴士！同場再加映一個 1.5 米高的巨型立體啤酒罐模型，俾大家留念！

日期：6月 16、17、23 及 24 日

時間：2pm – 6pm

地點：尖沙咀彌敦道栢麗購物大道巴士站(The One對面)

－－－－－

想睇更多最新科技、有趣資訊？Like Price Facebook 專頁啦！