當年重抑鬱強撐Kay攞獎 張繼聰發放正能量：人生美好根本冇衰野

【星島日報報道】自從老婆謝安琪（Kay）誕下女兒張靖，加埋囝囝張瞻湊成「好」字後，張繼聰經常在網上放閃，一家四口非常幸福美滿。不過，阿聰於深宵時份話無意中看到7年前Kay在叱吒奪女歌手銀獎的感情感言，他也再次感慨起來，於社交平台貼了長文。回想當年被指「女尊男卑」，更被封「廢柴老公」，他就說：「啱啱出世嘅朋友仔可以去歷史博物館查吓我當時嘅外號，就會略知一二，當時我嘅花朵真係好猛」；隨即重提當年的抑鬱病非常嚴重，「非常想又非常怕去依個Party 。想去，係因為太太當時成績非常出色，我一定要係現場支持佢同見証佢努力嘅成果；怕去，係因為我當時嘅成績非常冇乜成績…。片中所見嘅我，其實當時食行藥，所以好口乾，好頭暈，好攰，個cam又起勢隊住隊住，同時又好感動，好替太太開心，好想抱住佢，再同時好驚好怕，好擔心食白果嘅我唔知又會比（俾）人點嘲笑，總之九萬幾個層次又li又lu…同時台上嘅太太，成晚雖然得到好多個獎，其實當時嘅佢抑鬱病都好猛烈，承受好大嘅壓力，佢都係考緊宇宙畀佢嘅試…」。 慨歎完，阿聰就以現時正面的心態說：「你話世界係幾奧妙？快唔快樂，原來同得到幾多無關。 快樂，其實係因，唔係果。如果你咁得閒睇到嚟依到，朋友，我想講嘅係，每一個經歷其實冇乜意義，意義係由自己去界定，但係一定比你想像中美好同重要，就算當時係幾惡啃都好，好好行自己嘅路就掂。就好似我家吓睇番段片，發現原來果（嗰）日唔係路障，而係加油站，令我選擇之後嘅路，決心尋找快樂同自在；亦係果（嗰）日，令我更有勇氣去更多嘅頒獎禮，食更多嘅白果。所以你話，人生幾美好，根本就冇衰野」。＜iframe width="640" height="360" src="https://www.youtube.com/embed/BXgvmO17nnk" frameborder="0" gesture="media" allowfullscreen＞＜/iframe＞

睇更多