現年24歲的歌手吳若希(Jinny)雖然只係出道短短六年，不過人緣甚佳，尤其與一啲中年叔叔關係特別好！不過最近Jinny唔愛叔叔，而係與30歲的澳門富二代Alex Ho打得火熱，兩人最近更被發現手拖手到曼谷旅行，令一班宅男粉絲擔心不已！既然俾人影到，Jinny索性在IG自行「利申」，上載與Alex着情侶裝的合照，仲留言問對方幾時向自己求婚，又話公開戀情後終於可以正正常常過生活。不過事情話咁快就有新發展，因為有指Alex疑似有位索正印女友Toby Sin！

下頁續

日前有消息指Alex疑似有位正印女友Toby Sin，兩人於剛過去的聖誕節及情人節依然感情要好，情人節時Toby仲收到Alex送的一大束玫瑰。啱啱公開戀情，大家都仲祝福緊佢哋之時，咁快又殺出一個疑似正印女友，所以Alex都即時在IG發聲明澄清！佢在聲明中強調與呢位Toby Sin沒有感情瓜葛，Jinny並唔係第三者，又話佢哋剛剛開始拍拖，所以需要多啲私人空間及祝福。

Jinny亦有在IG轉載Alex的聲明，仲留言話︰「如果被我發現你有咩呃我，你死梗！」公開耍花槍喎！

下頁續

呢位疑似係Alex舊愛的Toby Sin，與Alex一樣係澳門人，現為一位Model。Toby眼大大皮膚又白，而且身材都唔錯，絕對係位典型美女！既然Alex已經澄清佢同Toby無關係，咁大家就純粹以睇靚女的角度欣賞吓Toby啦！

下頁續

部分圖片來源︰Toby Sin Facebook

全文完