疑似馬賽私拍艷舞片曝光
曾經係無綫上位女星嘅馬賽,負面消息一單接一單。繼被指喺富婆Laura手中橫刀奪愛搶走汪子琦嘅斷背戀之後,近日網上流傳一段疑似馬賽喺酒店私拍艷舞嘅短片。
疑似馬賽喺酒店私拍艷舞嘅短片長約半分鐘,片中疑似馬賽喺酒店房內,穿上情趣內衣,面對鏡頭大跳誘惑艷舞,期間不停撥亂頭髮、自摸身體及扭蛇腰,極度挑逗。
上次橫刀奪愛事件,馬賽前言不對後語對戀情唔認又認,形象插水要自行潛水兩個月,之後仲哭求觀眾俾個機會佢。有樂易玲睇住嘅馬賽,極速解凍出返嚟,雖然就冇電視劇拍,但都留返個娛樂新聞主播位俾佢。今次又出事,唔知點收科呢?
今日下晝,無線高層樂易玲回應傳媒,已經即時暫停馬賽所有工作,包括TVB8嘅國語娛樂新聞主播一職。樂小姐話︰「目前先停咗佢嘅工作先,之後再處理。公司投放咗好多資源喺佢身上,好可惜。」,但就冇話會解約,要先聽對方解釋。
是日精選