疫情禁開夜市 藝人食肆變陣應付 譚俊彥轉谷午市外賣 林夏薇叫慘！

【星島日報報道】香港正值第五波疫情，政府於昨晚開始實施6時後禁堂食兩星期，飲食業界首當其衝受影響，娛樂圈中藝人投資食店無一倖免，齊齊咬緊牙關告急。對出爐視帝譚俊彥而言，禁堂食等同執笠，他索性重整店鋪再出擊。出爐視后林夏薇叫「好慘」！黃宗澤急推經濟早餐幫補。

文：卓寶花、鍾舜英 圖：朱偉彥

譚俊彥（Shaun）在土瓜環經營的西餐廳「forkers 」，初開業後經歷疫情，生意幾乎癱瘓，後來腦筋轉彎將鋪頭轉型，Shaun不時親力親為下廚，做生招牌招呼客人，大走親民路線，贏得一班捧場客。終於捱過難關，近月生意也慢慢穩定下來，豈料再次因為疫情爆發第五波，而令餐廳的經營出現問題，由於「forkers 」主力做晚巿，禁堂食如同停業。Shaun說：「今個月對鋪頭係沉重打擊，我?主力做晚市，冇限時入坐，想客人享受小店舒服氣氛，禁晚巿等同直接執笠，但上天對我好好，自從拍完《男神廚房》後，又吸納?一班客人，未來計畫將鋪頭執一執，過往就懶，依家個情況冇藉口啦，清潔之餘會提升設備，研究新菜式，希望疫情下有新?菜式帶給大家。」亦有計畫做午巿及外賣擴充，但一切要再作安排，雖然生意大受打擊，但Shaun不忘呼籲大家乖乖遵守防疫，要注意身體健康。

林夏薇點心店攻外賣

林夏薇在港開設多間「功夫點心」店，近年幾番經歷疫情限制措施，慶幸依然屹立不倒，亦曾在疫巿下擴張分店。面對今次第5波疫情，她無奈指：「影響一定有，亦一定會遵從政府指引。當然好慘啦，不過比較好的是我?唔係主力晚市，睇?外賣上會唔會幫補到，一定係要捱，睇?要捱幾耐，希望疫情快?過。」昨日黃埔分店午市如常營業，有不少食客幫襯，門外張貼出根據政府防疫推出新指引的通告，店鋪將根據政府全新指引下運作，沒有晚市堂食，店鋪將於晚上6時開始只提供外賣，而外賣只做到晚上8:30。昨午巿食客如常幫襯，店內也根據防疫指引2人一?及?上加上隔板。

黃宗澤推優惠早餐

黃宗澤在尖沙嘴經營的西式餐廳「Oystermine」 ，他說：「影響就實有，最緊要第五波疫情快過去，鋪頭會作出時間調動，新推出早餐試試，同時會推出外賣套餐，希望做多?生意。」昨日中午記者走訪餐廳，幸好有戶外座位，空氣流通，食客可放心用餐，眼見有6?客人午膳，相反店內卻空無一人。損失晚巿堂食之下，店鋪提早開業，由上午十時起推出「38元起」的早餐，以實惠價格吸客，在疫巿下開創新出路，幫補收入。

至於陳豪的「BLOOMS Coffee」位於尖沙嘴K11 Musea的店鋪，日間生意沒受影響，依然客似雲來，照常有客人堂食及飲咖啡，晚上6時後則只做外賣生意至7:30。而Mirror成員江??生（Anson Kong）、柳應廷（Jer）、Error成員梁業（肥仔）合資，在尖沙嘴開設的日式串燒店「Kageno Tori」，開業短短半個月，獲大批鏡粉支持，預約爆滿至3月，面對晚巿停堂食，店鋪急做午巿幫補，還向改不到時間食午巿的客人退訂。

■視帝譚俊彥因為《男神廚房》而吸引一批新食客。

■「forkers 」主要做晚市，禁堂食對餐廳影響甚大。

■黃宗澤的西餐廳在疫情下也要變陣。

■「Oystermine」推出優惠早餐幫補營業額。

■Mirror成員AK、阿Jer等人合資的日式串燒店，吸引不少鏡粉朝聖。

■林夏薇的點心店愈做愈大，早前更在疫市中擴充。

■在疫情下，仍有不少食客幫襯功夫點心。