百忙抽空陪細佬 冼靖峰難兄難弟 撐枱腳吹水

·1 分鐘文章
冼靖峰(左)與弟弟邊食邊傾,講足1粒鐘。
冼靖峰(左)與弟弟邊食邊傾,講足1粒鐘。

「聲夢」學員冼靖峰(Archie)於聖誕及新年的黃金檔忙個不停,出席活動、快閃兼綵排,日日chur到盡冇息休,即使弟弟放假亦無暇相伴,由於兩兄弟一向感情要好,難怪Archie心存歉意。昨日他忙裏偷閒,被讀者發現晨早現身荃灣一餐廳,與弟弟撐枱腳。

明顯「唔夠瞓」的Archie仍頻頻打開話匣子與弟弟閒聊,期間被食客認出,他報以微笑,態度友善。約1小時後,2人結帳離開,到附近街市買餸,生活十分貼地。

據知,年約18歲的冼弟剛進大學,Archie早前公開全家福後,弟弟被讚有「明星相」,不過他無意入行,選擇跟哥哥一樣修讀商科。對於兩兄弟撐枱腳,Archie受訪時表示:「呢排真係冇時間陪佢,咁啱今晚父母去staycation,我又要綵排演唱會,得番佢一個,惟有買定啲餸等佢自己搞掂,所以食材都以簡單為主。」

姚焯菲冇錢落袋

另外,「聲夢」學員姚焯菲(Chantel)及孫漢霖昨日出席慈善演唱會,談到Chantel近日頻頻接job,被記者取笑是小富婆,她笑言:「我冇錢,全部畀父母keep住咋。(想買乜獎勵自己?)我有嘢食就得,之前買咗包朱古力想送畀同學,結果畀我食晒。」而孫漢霖直言新一年希望多學技能例如烹飪,相信有助日後拍劇。

兩兄弟到街市買餸。
兩兄弟到街市買餸。
姚焯菲工作冇停手,賺來的錢全交父母保管。
姚焯菲工作冇停手,賺來的錢全交父母保管。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能