民間自發回收盆菜兜 兩年收 5000 個轉贈狗場農場

【Yahoo 新聞報道】農曆新年聚會常吃盆菜，外賣盆菜兜該如何處置？有市民連續第 3 年發起盆菜兜回收行動，與全港近 2 0個回收點合作，包括政府9區「綠在」回收站以及多區回收商，回收後轉贈到狗場、農場等重用。發起人Daphne指，早兩年合共回收約5,000個盆菜兜。由於狗場容量有限，她鼓勵市民在回收前先向訂購的盆菜供應商查詢會否重用盆菜兜，以眾人之力推動生產者責任制，實踐源頭減廢。

文字記者：盧珮瑤

Daphne於前年開始發起回收盆菜兜行動。今年她聯絡近20個回收點，包括政府9個「綠在」回收點，亦有多個地區回收商包括元朗「Mil Mill喵坊」、沙田「綠領駅」、多區「The Loops家居回收」等。市民只需將盆菜兜清洗乾淨後拿到回收站，Daphne會將其轉贈不同狗場、農場等重用，今年回收期至2月28日。

「我做得到 人人都做得到」

兩年來，Daphne受訪時較少上鏡，「我想表達嘅係我都只係普通人，唔係KOL，我做得到人人都做得到」。10多年前，氣候變化議題推動她關注環保。身為愛狗之人，她將回收融入生活之中，「以前都會送毛巾去狗場，好多嘢唔係我第一日做，只不過將佢發大咗」。

「收（盆菜）兜幾年前都有做，但都係收自己嗰區」，疫情驅使Daphne由地域性回收擴展至全港。她指近年越來越多港人吃盆菜過節，「你睇吓盆菜公司數量就知，大集團又做，海鮮、西餐，連泰菜都做，其實佢（盆菜兜）只係一個大啲嘅外賣兜嚟」。她前年開始聯絡各大回收商和政府「綠在」回收點，發起全港回收盆菜兜行動，兩年來回收約5,000個盆菜兜，送到狗場、農場等，部份亦會轉贈無家者組織，「露宿者可以用嚟盛吓嘢食、洗吓衫」。運送盆菜兜的過程，她都一絲不苟，「優先送去（與回收站）近啲嘅收集站，因為transportation（交通）都會有carbon footprint（碳足印）」。

立即下載Yahoo新聞APP

回收餸隔予農場取代CD趕雀

Daphne指，今年亦歡迎市民回收盆菜兜內的餸隔。由於農場現時多以光碟片（CD）驅趕雀鳥，她希望鼓勵農場以餸隔取代，「CD膠都係複合物，有鋁、有膠回收都唔易，舊年試過畀佢哋效果都良好」。

盆菜兜並非消耗性物品，使用時間長，Daphne說：「再咁樣收法，狗場都會滿額」。因此今年她希望推動「生產者責任制」，鼓勵生產盆菜的食肆回收盆菜兜，「源頭減廢係最重要，有啲人話驚唔衛生，咁平時堂食啲碗碟筷子你都係咁用啫！」去年不少市民在回收的盆菜兜貼上字條，標明訂購的盆菜公司名稱，希望可轉交該食肆，「呢個係一個symptom（徵兆），5,000唔係一個你睇唔到嘅amount（數量），反映到啲客都想畀返食肆」。

Daphne目前聯絡到輝記盆菜公司、食材專門店Mr.Cool以及太興願意回收盆菜兜，太興集團的顧客回收盆菜兜將獲20元現金券，「coupon（現金券）係其次，佢肯收返呢個動作，已經履行到ESG（環境、社會及企業管治）」。大快活、大家樂等大集團則不會回收，「咁點解人哋隔離集團又做到？呢樣咪要諗囉」。她鼓勵市民在回收前，先向自己訂購的盆菜供應商查詢會否回收，「多兩個客反映呢樣嘢，舖頭就會有反應」。

「垃圾只係錯配嘅資源」

「收盆菜兜最終都係為環保做嘢」，回收看似只是一小步，但Daphne認為此舉有莫大意義，「垃圾只係錯配咗嘅資源，你畀其他人有用嘅咪就係資源」。她強調，堆填區逼爆，影響空氣、居住環境之餘，更會有入侵郊野公園用地的風險，「糟蹋咗土地就唔能夠逆轉，真正嘅公德心係諗點樣處理好自己嘅垃圾，重新去配對」。

Daphne認為，兩年回收到5,000個盆菜兜只屬冰山一角，「一個盆菜公司、大集團每日可以出到幾百至1,000盆，5,000個算得幾多？」她指港人回收意識仍然不足，因此每年均需加強宣傳，呼籲大眾回收盆菜兜，「唔可能每個item（物品）都咁樣嗌法，你一日用好多嘢，每個物品都可以有個去處，唔係掉咗佢就算」。源頭減廢，源頭正正來自自身行為，「愛環境嘅人最終得益都係自己，人人做多少少，睇吓改唔改變到，起碼對得住自己先」。

【回收盆菜兜行動】

日期：即日起至2月28日

回收點一覽：https://bit.ly/3XDfvzn

• 更多綠色新聞🌍資訊，即睇「Yahoo可持續發展」專頁！