相隔2年一家團聚 炎明熹搞喊媽咪 成就「我的驕傲」

被譽為「TVB的驕傲」的炎明熹參加音樂節目《聲生不息》後，除了獲得更多人讚好及支持外，最令她感動的就是成為父母心目中的驕傲，連90歲的爺爺都「加持」到場打氣！

無綫獲內地芒果TV邀請協製的《聲生不息》收視不俗，炎明熹（Gigi）於首兩集表現亮麗，成功贏盡網民好評。曾比特亦再有出色表現，與林子祥合唱《單車》感動觀眾，節目收視保持與上周一樣達16.9點，以周日節目來說算是甚理想。節目亦帶挈Gigi社交平台粉絲人數遞增，由節目開播前的6萬急升至昨日的27萬。

認錯細妹張相

前日Gigi百忙之中接受無綫娛樂新聞台及《東張西望》專訪，現時每日與音樂為伴的她，最開心是相隔2年後終於與家人重聚，坦言既開心又感動：「第一日接媽咪放工，媽咪喺度喊，搞到我都喊，爸爸媽媽仲話我係佢哋嘅驕傲！」她得到家人支持，連年屆90歲的爺爺亦有捧場及給予意見，Gigi說：「佢有提醒我唱歌時個嘴打得唔夠開，爺爺以前喺戲班做，識得拉二胡同打鼓，佢咁留意我嘅演出，我覺得好感動。」

談到日前在網上驚喜亮相的8歲妹妹，Gigi指兩姊妹似到「撞樣」，更自爆：「最搞笑係製作組需要我細個嘅相，點知我搞錯咗，畀咗細妹張相佢哋，我一直以為係自己嚟㗎，直到媽咪話我聽先知搞錯，真心覺得好尷尬！」

另外，上周的三線劇收視全線下跌，《愛．回家之開心速遞》有21.5點，《食腦喪B》則有16.6點，至於上周大結局的《金宵大廈2》有15.6點。而周日首播、由袁偉豪及蔡思貝擔演的《廉政行動2022》收視有13.3點。