雅虎香港新聞 眾姊妹大讚好勇敢！ 鍾嘉欣家中分娩 誕7磅細仔湊好字
【星島日報報道】有指陀第二胎的鍾嘉欣已於上月底在加拿大誕下BB，但身邊好姊妹一直守口如瓶。直至昨日，嘉欣終於正式宣布逾7磅的細仔「Jared Anthony」已出世，肥嘟嘟的BB既似爹 又似姐姐Kelly，非常趣緻。正坐月的嘉欣昨日談及今胎在家中自然分娩的過程，雖然講了3次好痛，但坦言是個令她有自主感覺的難忘方法，連幾位好姊妹都大讚嘉欣勇敢！文：娛樂組
鍾嘉欣昨日於社交網宣布細仔「Jared Anthony Leung」出世，重7磅14安士，相中的Jared仔不但似爹 般頭髮濃密，兩父子更十足「餅印」一樣。嘉欣留言：「To our Son, Jared Anthony Leung.Welcome to our family. We love you.」她亦Hashtag了「naturalhomebirth」，意即今胎在家中自然順產。
「好似生 龍鳳胎」
嘉欣雀躍地分享細仔出世後的可愛照片，又錄音向記者分享追到「好」字的喜悅，細訴今胎在家中自然分娩的難忘經歷。仍在坐月中的嘉欣聲 精神，難掩再做媽媽的快樂，她謂：「大家好！好開心今日同大家宣布，我 生 個仔，好健康，佢名叫Jared Anthony，都算係一個大B，出世有7磅14安士重，好多、好多頭髮，同埋好似好似家姐Kelly，全家講笑話我好似生 龍鳳胎！因為Jared同Kelly真係好似樣。」
令人驚訝的是嘉欣今胎選擇在家分娩，她坦言好難忘：「今次生產好順利，順產，好痛、好痛、好痛！最特別選擇 屋企生，因為加拿大好支持Natural Delivery。我好感恩好幸運搵到一班好好 助產士，佢 畀我好多Emotion Support，畀好多Personal competencies 技術、方法，令生B過程更安全，教我聽自己Body去生BB。我覺得呢種方法好Empowering，所以選擇呢個方法生，絕對係一個好難忘 經歷，同個仔一齊、同我 Family一齊。」
繼大女Kelly後再追到細仔Jared，湊成一個「好」字，嘉欣表示反而會放更多時間在囡囡身上，想顧及囡囡突然多了細佬的感受。她坦言：「而家我休養，要坐月，要照顧好個仔，同埋好緊要，要照顧家姐Kelly，因為呢個時間始終突然多 個BB，要放番多 時間 Kelly身上令佢覺得OK，而家我忙緊呢樣 。希望好快可以介紹仔仔畀大家識，好希望見到大家。大家都要Take Care，多謝所有朋友、觀眾、傳媒支持同祝福，唔講咁多住，我都要 覺，bye！」
「唔驚訝佢會咁做」
此外，嘉欣三位好姊妹齊齊為她開心，大讚她勇敢！王君馨表示：「Very very happy for her！覺得佢好勇敢同埋好偉大，可以 屋企順產生。 緊都好忙，希望下年可以抽時間去探佢。」
岑麗香回應：「好開心佢同大家分享 ，佢好叻呀！因為佢 屋企生，當然有專業人士啦，我覺得佢好勇敢、好叻！呢段時間我相信佢一定好 ，所以我唔騷擾佢咁多，到時希望可以見識呢個好得意、好得意 BB，其實我覺得BB好似佢家姐，好Cute！好替佢 開心而家有個好字，祝佢 日日都好好，開開心心！」
苟芸慧則謂：「恭喜！戥好姊妹開心！BB同家姐好似樣，相信大個一定靚仔。Linda好勇敢，唔驚訝佢會咁做。不過唔同人都要考慮年齡，最安全 醫院生。」
■鍾嘉欣兩公婆繼大女Kelly後，再添一細仔。（資料圖片）
■嘉欣細仔Jared似足爸爸。
■大女Kelly（左）出世時，跟初生Jared（右）好似樣。
■一眾好姊妹都替鍾嘉欣開心。（資料圖片）
■鍾嘉欣在家中分娩，非常勇敢。
娛樂
是日精選
