「睇見唔開胃」局長

【星島日報報道】上世紀五十、六十年代，市民大眾娛樂，以睇黑白粵語殘片為主，睇完又睇，於是，不少經典場面永刻腦海。當中，有一個場景，不少苦情戲中皆有，正是扮演惡死家婆的陶三姑、黃曼梨，又或譚蘭卿，怒目猙獰，用食指篤住在飲泣中的可憐媳婦額頭，通常由余麗珍、南紅或芳艷芬飾演，大喝：「睇見你就唔開胃，家陣好刻薄你咩？一日冤口冤面！」 諗起上述畫面，因日前一個飯局，出席人士有退休高官及資深傳媒人，大家叫做見過下世面，對是非黑白，以及乜 人坐乜 位應有乜 表現，心里有數。 香港的酒家，最討厭為全天候開 電視，逼客人睇。每次若我有訂房，必將電視關掉，因阻住晒大家溝通也。 不過，上述飯局，電視不能關，因有位傳媒大哥仍在職，要 緊北京兩會最新消息。新聞播呀播，突然見到記者一窩蜂圍住某局長，畫面一出，在座前高官「肥B」反應極大：「大佬呀，做局長，可唔可以顧下政府形象 ？一日冤口冤面，睇見佢就唔開胃，推乜政策都死啦！」B哥咁勞氣，講緊邊個呢？正是保安局局長李家超也。呢輪佢老哥身負重任，要推個非常爭議性（但過硬！）的罪犯引渡法案。喂，既然贏梗，可否寬容少少，咪餐餐 口 面得唔得呀？ 十年前，李家超與曾偉雄跑馬仔爭做警隊一哥，其時，斯文淡定，青靚白淨，少有的靚仔高官也。當時，佢仍會久不久露出微笑。後來，因「某些原因」，問鼎處長位無望，當然不願做曾偉雄下級，於是，立即起身，走去做保安局副局長。就那時開始，李家超的面容，變下嚴肅 ，變下，又再嚴肅 ，凡出席立法會或記者會，永遠皺晒眉頭，冤口冤面。整整下，奇！連眼眉都開始變八字及慢慢斑白，成個賣相，沒有半點兒討好。「肥B」也曾做過高級官員，當然知道個別局長位相當難哽，但也忍不住：「食得鹹魚抵得渴，嫌苦，可以唔好做！但要做又日日 口 面做政府發言人，好倒米 ，有 『演藝道德』都好 ？」 專欄