矛盾之對決！ViuTV全新真人騷《阿女又戀嚟》「父母之命」vs「自由戀愛」星二代、前主播都有份

做女兒的當然想尋找自己的Mr. Right，但很多時父母一心想寶貝女嫁得好，對好男友、好老公的準則都會給女兒很大壓力，例如要求女兒的未來老公要有財有勢，而現代女性只求跟另一半夾得埋，兩代人的思想、愛情觀及擇偶條件各異。今日(7月19日)首播，由「娟姐」練美娟主持的全新真人騷《阿女又戀嚟》邀得4個家庭參與，與30名精壯英俊的男士進行配對，各家庭共選2名男士，1名是阿女的自選人物，另一名則是由父母欽點，阿女則會與2名「男友候選人」雙線發展1個月，而阿女拍拖時，父母則會用上帝視覺，全程偷窺阿女拍拖，點評「男友」甚至是阿女的表現。「父母之命」對「自由戀愛」，到底結果會怎樣呢？

口才了得的娟姐繼《大叔的愛》Carmen一角人氣再暴升，相信又會再發放笑彈！

節目甫開始，父母率先在相睇牆，憑男士的相片及簡單介紹，為女兒揀選合適人選。大部分家長為女兒揀對象時都心大心細，過程中不停揣摩女兒的喜好。每對父母將有3名心水人選，逐一見面了解後，便會從中揀選1名男士與女兒拍拖。

四對父母VS囡囡 擇偶之對決

有線娛樂台前娛樂新聞主播植詠珊 Cathy (32歲)

Cathy 與媽媽媚姨 對擇偶的看法:阿女：「要合眼緣，第一眼得就得」/「唔睇經濟，想有將來」；「媽媽鍾意有車有樓」媽媽：「梗係唔好揀咁大年紀啦，咪陣間拍拖變左陪佢去覆診呀」

素人陳詠鈿 (CO-CO) (24歲)

CO-CO 與父母SAMMY 、 LOUIS 對擇偶的看法:阿女：「自己係渣男磁石」；「鍾意青靚白淨」家長：「你同我阿女嗌交，會呵番你」；「上嚟食飯，雞脾一定留比你」

Now TV Sports 主持 Lily (麥麗怡) (26歲)

Lily與父母 對擇偶的看法:阿女：「我要好慢先追到，個個以為我係萬人斬，其實係要時間去審查」；「通常分左手先話比父母聽」老豆：「我有底線，男仔唔可以喺我屋企過夜；香港好方便，樓下有的士，佢可以隨時走，係咪」

星二代都參加！

曾為1979香港小姐季軍的藝人鍾慧冰（冰姐）亦有參加節目，為女兒林靜莉（Jeannie）擇偶！

Jeannie亦曾因工作戴過后冠，跟母親當年獲獎時的笑容有幾分相似嗎？

25歲的Jeannie 外號「莉莉菇」，現為職科技資訊網站記者兼香港開電視的合約主持人，人氣甚高，不時在社交平台發放工作照及文青照，被網民封「文青女神」！

Jeannie跟曾跟MIRROR的阿Jer 開live，介紹情人節飾物，表現淡定。 對擇偶的看法:阿女：「男人要MAN啲，一定要做主動」；「下一個會想以結婚為前題，要有上進心，唔駛賺好多錢」；「要接受我嘅癲喪」媽媽：「最好有錢又靚仔」

一向腦轉數甚高的冰姐以「你啲字咁似小學生嘅！」、「點解你化妝咁濃嘅？」及「你月入兩三萬，夠唔夠應付拍拖支出？」當面點評3位候選心水，內容非常啜核，令各位男士非常緊張！

相關文章:

The Truth of INFIDELITY 出軌真面目

I Need to Breathe! 可否讓我抖抖氣？

「妳應該減掉10磅」「約會打扮可以更性感」男生約會後列出15宗「罪」女生一字霸氣回應