秘魯發現最新「納斯卡線」 竟然係一隻貓?
「納斯卡線」(Nazca Lines)為一種地表上雕刻形成各種圖案,至今如何形成仍然係一個謎,範圍大得要用飛機從空中先睇得清,而目前發現嘅多種「納斯卡線」距今都有上千年歷史,以當年嘅科技係如何做到?又究竟有何用途,至今仍無人知曉。
近日於秘魯南部,文化部於當地遺跡進行修護工作時就無意發現一條從未被人發現嘅「納斯卡線」,而圖案竟然係一隻大貓!呢條「納斯卡線」由於刻於山坡之上,被風化侵蝕到幾乎已經全面褪色,好彩今次被人發現即時進行修補工作,發現其全貌為長37米嘅大貓,估計為公元前200至100年間嘅作品,有2千多年歷史,屬最早期「納斯卡線」之一。其實近年於秘魯陸續發掘出80至100個新「納斯卡線」,大部分都刻畫於山坡之上,為考古學家研究呢種神種現象提供極多新證據呢!
相關文章: