雅虎香港新聞 
秤不離砣 胡杏兒孖囝囝踩老公場 被踢爆shopping扮做嘢
胡杏兒自從上年生咗囝囝李奕霆（Brendan）後，家庭、事業兩邊忙，所以一有空檔胡杏兒都會黐實Baby Lee，早前更決定退股一手創辦嘅婚紗店，話要專心湊仔㖭！
延伸閱讀：
胡杏兒母子突然探班
日前，胡杏兒帶埋囝囝Brendan殺上老公李乘德（Philip）公司，兩母子仲霸埋Philip個位，齊齊坐喺寫字枱前，戴住眼鏡嘅胡杏兒一手攞住電話，一手㩒電腦扮做嘢，而囝囝就眼仔碌碌周圍望。
老公笑杏兒掛住shopping
見到兩位至愛突然探班，佢老公Philip喺IG留言寫住︰「Mrs Lee coming into the office, taking over my desk, and showing me how sales calls are made, Is Brendan impressed? What do you think?」工作空間被霸佔之餘，仲踢爆老婆掛住打電話shopping㖭！
爭取親子時間
其實喺唔使開工嘅日子，胡杏兒都會為家中兩位大小情人分配好時間，一家人去到邊都黐到實，遲吓仲話希望生多一、兩個細佬妹陪Brendan，到時杏兒咪仲更加周身唔得閒！
出trip心掛掛
上星期超強颱風山竹襲港，要返內地開工嘅胡杏兒，不禁擔心家人，杏兒一面憂愁於IG寫道︰「今次的颱風真的很危險，大家一定要小心注意安全，平安度過！！在趕去長沙的路上，掛念家人和大家，希望颱風快過去，大家都平平安安！」
同場加映：囝囝未夠一歲已學四種語言 Baby Lee聽到一頭霧水！
胡杏兒上年生咗囝囝李奕霆（Brendan），一向可愛到暈嘅Baby Lee大受一眾「胡說八道會」嘅契媽們歡迎，幾乎每人一有空閒時間就去探望一下佢。最近，李施嬅、胡定欣、黃智雯、胡蓓蔚及姚子羚呢班契媽難得齊腳，一於去探契仔！
契媽齊腳探Baby Lee
日前，「胡說八道會」嘅李施嬅、胡定欣、黃智雯、胡蓓蔚及姚子羚難得齊腳，齊齊決定唔行街shopping，反而去搵好姊妹胡杏兒，實質就梗係想探cute爆契仔Brendan啦！難得一班好姊妹相眾，胡杏兒就喺個人社交網上載一張齊人大合照，見到Baby Lee眼仔碌碌望住成班靚靚契媽，個樣萌到爆！
A post shared by Myolie Wu 胡杏兒 (@myoliemyolie) on Aug 28, 2018 at 5:22am PDT
未夠一歲已學四種語言
Baby Lee唔知係咪要準備入學，一班契媽就輪住嚟個三語教學，首先係有姚子羚嘅普通話，仲有胡蓓蔚嘅上海話，然後到李施嬅嘅英文！
A post shared by Paisley 胡蓓蔚 (@paisleyhu) on Aug 28, 2018 at 3:41am PDT
人仔細細嘅Baby Lee已經要額外學三種語言，計埋母語廣東話，佢足足學梗四種話言，認真不得了！
Baby Lee仲捉住胡蓓蔚隻手臂，再次見到佢米芝蓮手仔！不過，未知Baby Lee係咪聽唔明3位契媽講啲咩，想佢哋講慢啲所以先捉住胡蓓蔚呢？
請邊位契媽食腳仔？
後來，Baby Lee飲奶時，仲印對腳板底落契媽黃智雯塊面上，黃智雯更一臉滿足嘅冧樣，睇嚟佢好鐘意契仔對腳，仲留言話：「多謝Brendan送上我最愛的金華火腿一對」
胡杏兒一家搞燒烤派對
最近個星期就係父親節，胡杏兒一家就搞咗個燒烤派對，仲請咗囝囝Baby Lee嘅契媽李施嬅同姚子羚齊齊燒野食，慶祝今年父親節。杏兒作為主人家，更化身大廚，負責燒野食俾大家享用，見到咁多海鮮，睇嚟大家都有口福了。
Saltbae上身！ 😆 @nusr_et #saltbae Photo credit: @hakkaphil
A post shared by Myolie Wu 胡杏兒 (@myoliemyolie) on Jun 18, 2018 at 12:45am PDT
囝囝露出肚腩仔
杏兒老公Phill就上載咗呀仔最新近照，見Baby Lee著住件白色衫，肚仔凸凸咁坐喺老竇前面，再加多副太陽眼鏡，二個人嘅父子裝襯到一絕！
A post shared by Philip Lee (@hakkaphil) on Jun 16, 2018 at 10:45pm PDT
除咗父子裝，一家三口就緊係要影番張相留念啦！三人就齊齊帶起太陽眼鏡，認真溫馨！
Happy Father’s Day everyone!! 👨🏻👦🏻 @hakkaphil
A post shared by Myolie Wu 胡杏兒 (@myoliemyolie) on Jun 17, 2018 at 1:01am PDT
囝囝露出米芝蓮車肽
而Baby Lee嘅靚靚契媽李施嬅同姚子羚難得有時間見下契仔，就當然唔少得要抱下兼同佢玩個夠本啦！子羚就喺個人社交網上載幾張相，並留言話：「Baby Lee～契媽miss you」，但唔知Baby Lee係咪有啲眼訓，見到佢對眼仔好似有啲曚曚地，認真夠哂萌！
而且，Baby Lee一坐喺契媽對腳時，佢米芝蓮嘅車軚唔覺意咁走咗出嚟，搞到個肚腩仔勁搶鏡！
另一張相，Baby Lee竟然擺出一個「無眼睇」嘅得意樣，令到子羚忍唔住留言話：「表情多多嘅baby lee…. 你想表達咩呢？表弟點解你又咁cute呢？ #契媽sss湊仔day #表哥表弟都咁cute #表弟好多頭髪」
表情多多嘅baby lee…. 你想表達咩呢？表弟點解你又咁cute 呢？👶🏻👶🏻👶🏻👶🏻😍😍😍 @selenaleelalee #契媽sss湊仔day #表哥表弟都咁cute #表弟好多頭髪
A post shared by 姚子羚 Elaine (@elaine_yiu) on Jun 17, 2018 at 4:07am PDT
契媽李施嬅相對就冇po咁多相，只係po咗Baby Lee半躺喺佢身嘅一張相，並留言笑問：「我這張人肉椅舒服嗎？ 按摩力度夠嗎？」
A post shared by Selena Lee 李施嬅 (@selenaleelalee) on Jun 18, 2018 at 2:54am PDT
雖然，胡說八道會嘅一班好姐妹嚟唔齊今次杏兒兩公婆搞嘅BBQ，但難得聚埋一齊，杏兒、施嬅同子羚一於影番張合照相。
A post shared by Selena Lee 李施嬅 (@selenaleelalee) on Jun 18, 2018 at 7:43am PDT
早前，胡杏兒於個人社交網留言表示要去開工拍戲，仲po咗一張Baby Lee恰眼訓既樣，見到佢半開半合嘅眼仔，完全可以做潛力圖，用嚟表示自己有幾眼訓同幾赲！就連杏兒都話：「BB你的表情很能代表媽媽現在的心情」
BB你的表情很能代表媽媽現在的心情，唉，現在要振作去拍戲了！！💪🏻😑😑😑
A post shared by Myolie Wu 胡杏兒 (@myoliemyolie) on Jun 13, 2018 at 3:49am PDT
胡杏兒囝囝晒米芝蓮豬腳
之前，Phil喺IG發佈囝囝萌照，原來Baby Lee不知不覺已經八個月大，Phil仲透露囝囝生咗兩顆小門牙，乜都鍾意食。不過最令人注目的，絕對是一雙肥美的豬腳。Phil仲笑囝囝雙腿好靈活，或者會同媽媽參加下一個瑜伽課程！
Brendan六個月大已經超可愛
胡杏兒之前襯囝囝Brendan半歲大，為佢影相留念，相中見到眼仔碌碌的Brendan已經識望住鏡頭，兼擘大個口扮驚訝，相當鬼馬！另外，更睇到佢隻手仔肥嘟嘟，相當可愛！
胡杏兒老公唔執輸
而杏兒老公李乘德（Philip）亦都唔執輸，同樣上載另一張寶貝仔的照片。相中見到Brendan坐喺度，有啲頭髮豎起，笑得開心之餘，個樣仲好趣緻！李乘德更表示Brendan好好湊，成長過程好順利，除咗瞓得食得同屙得外，又唔怕陌生人，去抱佢仲會笑㖭！
胡杏兒囝囝 天然呆超可愛
早前胡杏兒帶埋七個月大的Brendan，同「胡說八道會」一班靚靚契媽胡定欣、黃智雯、姚子羚、李施嬅食飯，肥肥白白的Brendan仔擺出一副天然呆樣，同成班勁興奮笑到勁開心的契媽相映成趣！
米芝蓮手仔搶嘢食
另外見到契媽子羚對住Brendan食餃子，見到Brendan即時一副垂涎三尺樣，仲伸出佢隻一節節的肥手仔摸住隻碗，子羚都留言話「Baby Lee你做咩搶契媽啲嘢食呀？為食豬」
Baby Lee 你做咩搶契媽啲嘢食呀？為食豬🐷🐷🐷🐷👶🏻👶🏻👶🏻 #whysocute #adorable #babylee #ourboss
A post shared by 姚子羚 Elaine (@elaine_yiu) on May 14, 2018 at 7:56am PDT
胡說八道演唱會
另一靚契媽李施嬅亦有分享當晚相片，留言道：「今晚開咗一場胡說八道演唱會逐個唱歌給B.B. Lee 聽，其實baby Lee喺度諗乜呢？係唔係諗緊成班傻婆點解見到我咁興奮呢？太可愛喇，我哋個個都俾你電暈啦。」
今晚開咗一場胡說八道演唱會逐個唱歌給B.B. Lee 聽，其實baby Lee 喺度諗乜呢? 係唔係諗緊成班傻婆點解見到我咁興奮呢？太可愛喇，我哋個個都俾你電暈啦。😍🙊😘 #cheersbaby
A post shared by Selena Lee 李施嬅 (@selenaleelalee) on May 14, 2018 at 11:31am PDT
胡說八道演唱會到底係點？片段中見到李施嬅唱英文歌氹Brendan瞓覺，不過見到Brendan只顧住咬牙膠，對契媽歌聲冇咩反應！
A post shared by UHAUHA (@uhauha121212) on May 14, 2018 at 9:43pm PDT
延伸閱讀：
