雅虎香港新聞 Yahoo Travel HK
空姐教你揾位坐 識坐一定係機尾？
講起搭飛機坐咩位， 可能好多人都淨係會諗起窗口位同埋走廊位，一般來講大部份人長途機都會鍾意坐走廊位，短途機就鍾意坐窗口位，不過其實除咗呢兩種位，飛機上坐係前同後都有好大嘅分別。據非正式統計大部份人都鍾意坐係機頭多過機尾，不過唔講唔知根據空姐所講，其實坐機尾有好多你意想唔到嘅好處，就好似以下呢幾點咁。
1.去廁所方便
一般來講洗手間都會謅係機艙嘅後方，如果你坐近機尾換言之同洗手間嘅距離都會拉近，咁就可以比其他人更加容易使用，減少需要排隊嘅時間。
2.空姐空少係附近
喺送餐之後大部份嘅空服人員都會喺機尾嘅位置休息，呢個時候如果你有得任何特別嘅需要就可以好容易搵到佢哋幫忙，唔需要行嚟行去四圍揾。
3.唔會無路行
相信大家搭長途機都試過一個好尷尬嘅情況，就係當你離開咗座位想折返嘅時候由於空姐推出咗餐車，走廊位已經難以通過，等佢哋完成服務先可以行到返埋位，如果你坐喺機尾位置，就完全唔會有呢個煩惱。
4.要咩攞咩好方便
一般來講大部份嘅補給品都放喺機尾嘅位置，好似清潔用品牙刷套裝同毛氈，有時都會擺放一啲裝好咗嘅水，所以坐近機尾就算冇空服人員都可以自己輕易攞到需要嘅嘢，夠晒方便。
大部份嘅空服人員都會喺機尾嘅位置休息。
好多人都鍾意坐窗口位。
坐機尾整體上比較方便。
相關文章
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
