多圖｜周潤發劉嘉玲型爆現身品牌時裝騷 GD被指撞樣關菊英 盤點各界名人穿著

噚日（5日）眾多地區頂級名人雲集香港，參與時裝界盛事之一嘅品牌時裝騷，除咗有韓國天王GD 權志龍（G-Dragon）之外，仲有張敬軒、Angela Yuen袁澧林、陳法拉、陳柏霖、周潤發等巨星到場。咁以下幾位巨星衣著，你哋最鍾意邊位嘅打扮呢？

G-Dragon
韓國天王GD久違來港，當然成為全場焦點啦！佢以紅色頭髮示人，配上黃色鏡片黑框太陽眼鏡、粉色系小香風外套、黑褲及閃爆銀色鞋，非常搶眼，不過佢呢身造型被網民指撞樣關菊英。

陳法拉
陳法拉身穿閃爆湖水藍色吊帶長裙，除咗展現完美身段，亦盡顯優雅韻味，靚絕全場。

Jay Fung
馮允謙身穿格仔西裝外套現身，帥氣型格兼魅力四射呀！

宮澤冰魚
日本男星高宮澤冰魚擁有184cm嘅高挑身材，噚日以黑為主色調詮釋整體造型，俾人一種帥氣、沉穩而修長嘅感覺。

Angela Yuen袁澧林
女神袁澧林身穿粉紅色蕾絲印花套裝，盡顯青春活力。

陳柏霖
大曬廣東話又派心心嘅陳柏霖，白色襯衫配上灰色外套，帥氣優雅。

劉嘉玲
劉嘉玲以全黑打扮出場，優雅得嚟又貴氣。

Moon Tang
Moon Tang呢一身嘅打扮被網民指carry唔到及好似內地網劇主角嘅造型。

周潤發與發嫂

發哥發嫂繼續優雅現身，兩人手拖手登場甜到爆。發哥畫家帽配裇衫增添書卷味，更笑言係「跑步教授」。

馮德倫

馮德倫簡約白T牛仔褲加純黑西裝褸登場，型佬形象帶點滄桑感。

何詩蓓

游泳健將何詩蓓有別比賽中嘅感覺，造型更顯高貴氣質。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！