雅虎香港新聞 Yahoo Travel HK
等轉機做咩好？ 五大必備機場服務
無論你係要去旅行定係要公幹，機場都可以話係每個人必經嘅地方，尤其係當你去嘅地方越遠，要逗留係機場嘅時間就有可能越長，事關轉機閒閒地都等個幾兩個鐘，有時有機會要等五六個鐘，甚至一日都唔出奇，如果俾你揀你又會想機場有啲乜嘢設施呢，最近網友就列岀咗五大機場必備設施，又有冇你心水呢？
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
1.免稅店
喺機場行duty free，對於鍾意買嘢嘅你來講可能係基本，可以買手信又可以用晒剩低嘅當地貨幣，何樂而不為。
2.SPA
呢個小編見到都心心眼，去旅行好多時趕行程都趕到個人好攰，有得做下Spa輕鬆下，心情都靚啲。
3.免費wifi
而家呢個世代，冇wifi真係搞唔掂，可以消磨時間又可以早啲揾定當地資料，唔係冇吖嘛？
4.戲院
對於鍾意睇戲嘅朋友來講，呢個簡直係對個機場加爆分嘅原因，等轉機嘅時候睇返一兩套戲又點話。
5.酒吧
等上機冇嘢做，去飲番杯輕鬆下都係好事，如果同三五知己一齊去就可以吹下水，自己單拖上路分分鐘有可能有艷遇添。
等轉機等到悶？下次早啲揾定機場有咩搞啦。
可以喺忙碌嘅行程中好好輕鬆一下，spa真係不可缺少嘅設施。
喺機場睇戲，都係幾特別嘅體驗。
相關文章
