雅虎香港新聞 Yahoo Travel HK
箱根高科技酒店 現自動導航拖鞋
隨着科技嘅創新，我哋日常生活好多小細節都變得越嚟越方便，科技發展一直不居於後人嘅日本最近又推出咗一個有趣嘅新發明，講緊嘅就係識自動導航嘅拖鞋。
呢樣聽落令你匪夷所思嘅產物，其實係一對識行識走嘅拖鞋，當旅館員工啟動按鈕時拖鞋就會自動歸位，自動行去旅館嘅入口然後停低，等到達嘅客人可以着上拖鞋。至於拖鞋背後嘅原理？就係每個拖鞋鞋底配備兩個微細嘅小輪子同發電器，加上Nissan嘅ProPilot Park技術，令拖鞋係木質大堂地板上可以無人駕駛自行歸位。
呢項技術喺Nissin嘅全電池電動車最新版本中亦有使用，配備高科技傳感器同攝像頭，令車輛係無任何駕駛員控制嘅情況下都可以進入停車位。
如果想體驗呢項技術，可以去到位於箱根的ProPilot Park Ryokan酒店，呢間酒店以富士山風景而聞名，計劃係三月全面使用技術，除咗拖鞋之外，地板墊同傳統嘅矮桌都會使用呢項技術，希望可以減少員工負擔。
配備高科技傳感器同微細嘅小輪子嘅拖鞋真係識行識走。
除咗拖鞋之外，酒店的地板墊同傳統嘅矮桌都可以自動歸位。
有咗呢項技術，員工負擔可以大大減低。
all pics from Nissan
相關文章
