粉絲冒雨撐簽名會 Jer唔夠魏浚笙靚仔 照闖影壇

Jer
Jer

人氣男團MIRROR及ERROR爆紅後可謂無處不在,MIRROR成員Jer在簽名會上,自認不及魏浚笙靚仔,但仍先接拍電影;另一成員Anson Lo在網上為「MIRROR地獄廚神」之名平反。至於ERROR成員193於電台訪問中稱有錢,不會「𢱑波鞋」。

昨日人氣男團MIRROR成員Jer(柳應廷)獲逾100名「柳柳粉」,冒雨支持其電影主題曲單曲碟簽名會,入行未夠3年的他謙稱未夠班開個人展覽:「等入行10年先搞啦,依家都唔係好多里程碑,想儲多啲嘢先。」有傳他揮低魏浚笙(Jeffrey),與姜濤拍彭秀慧的新戲,他表示要待電影公司安排,但承認已試鏡。對於Jeffrey指他奪得角色是實至名歸,他即向對方笠高帽:「佢都好勁啦,佢靚仔過我好多,又大隻,佢講客氣說話啦。」又稱雖然之前曾拍劇集《男排女將》,又拍過MV,但在演戲上仍是學習階段:「我都仲係好新,梗係冇信心,不過有上演技班增值。」

193否認𢱑波鞋

至於Anson Lo在劇集《大叔的愛》廚藝了得,但現實中卻有「MIRROR地獄廚神」之名,故特別拍煮食片平反,見他功架十足,烹調零甩漏,連身旁大廚都讚他有廚師潛質,不過被隊友Edan柴台:「Danger(危險)!」

另外,ERROR成員193(郭嘉駿)早前在社交網留言想要一對限量版波鞋,但被KOL質疑似叫粉絲送鞋。前日ERROR接受鄭裕玲主持的電台節目訪問,193指該波鞋屬「珍品」:「喺外國都冇可能買到,所以嘗試出Post搵鞋,睇吓有冇人幫到我手,無論係抽又好,公關、水貨店幫我又好,想有個途徑可以攞到對波鞋,我超想要!」更霸氣說:「我絕對畀得起錢,我拍一個廣告可能都買到10對、20對,點解啲人會話我想要免費波鞋呢?」又透露該品牌有聯絡他,但指任何人都不可「留鞋」。

「柳柳粉」風雨不改撐偶像。
「柳柳粉」風雨不改撐偶像。
193接受鄭裕玲訪問,大談「波鞋風波」。
193接受鄭裕玲訪問,大談「波鞋風波」。
Anson Lo下廚有板有眼。
Anson Lo下廚有板有眼。