粉絲恨睇「神鵰」 Anson Lo爆肌 Edan嗌羨慕

·2 分鐘文章
Anson Lo半裸晒肌,型!
Anson Lo半裸晒肌,型!

人氣男團MIRROR成員Edan跟型男Jeffrey出席活動時,對於Anson Lo及Anson Kong齊晒肌,Edan坦言羨慕對方身形弗,不過自認是「大隻仔」,又推舉同隊的Stanley及Alton更大更硬,似乎不讓「雙Anson」專美。

Edan和Jeffrey昨日到尖沙咀出席活動,透露正趕拍ViuTV新劇《i.SWIM》,預計11月下旬完成。Jeffrey身形明顯比之前大隻,他表示現時每星期做5日健身,Edan即扮呷醋說:「淨係佢大隻?不過佢係好大隻,應該有42吋胸肌,我都大隻咗,但同佢冇得比。」

拍游水戲辛苦

對於近日有網民發現「教主」Anson Lo擔任模特兒,相中他半裸爆肌兼拉開褲鏈露底褲邊,粉絲瘋狂留言「Call白車」兼食暈浪丸!更有網民搞笑表示想睇「神鵰」。而隊友Anson Kong的照片亦曝光,見他用手掀起身上的白Tee,結實胸肌及腹肌盡現。Edan坦言有看Anson Lo的騷肌廣告相:「嘩!好大隻,好犀利。」不過他覺得MIRROR成員中,Stanley才是最大件頭,Alton則屬鋼條型,自己身材遜,又透露拍游水戲頗辛苦,試過凌晨收工,十分疲累,而Jeffrey亦表示浸水浸到頭痛。

想去外國見粉絲

提到有傳MIRROR的歌曲遭港台抵制,流行榜20位不入,Edan說:「覺得冇可能,大家對音樂品味唔同,自己盡力做好自己鍾意嘅歌最緊要。(對新人獎有冇信心?)唔好諗太多。」並透露下月將推出第3首新歌。早前其美國粉絲為他大規模應援造勢,Edan坦言意想不到,大讚粉絲有心,希望疫情過後可以到外地跟粉絲見面。

Edan(右)承認唔及Jeffrey大隻。
Edan(右)承認唔及Jeffrey大隻。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能