紅磡新台式咖啡室x複合空間 旅遊Blogger開設 必試冬瓜茶拿鐵+大甲芋泥卷!

·3 分鐘文章

九龍區又多一間咖啡店!新店走台日風格,以純白同木為主調,主打精品咖啡同手工甜點。咖啡從台灣各區烘焙再直送到港,有唔同風味選擇;甜點就係香港每日新鮮人手製作,少甜配方啱晒香港人口味又更啱配咖啡。當中亦糅合台灣特色,例如用台灣老店冬瓜茶調配嘅冬瓜茶拿鐵!

新店走台日風格,以純白同木為主調。
新店走台日風格,以純白同木為主調。

鳥山。商號由幾位旅遊Blogger開設,店名當中「鳥山」即係「島」以代表寶島,而商號係指呢度唔單止得咖啡,更糅合藝文、選物、旅遊等概念,係一間充滿台灣風格複合式Cafe!其中一位店主曾經旅居台灣研究咖啡,希望喺香港都可以開一間咖啡店,唔係一般Grab & Go,而係好似台灣咁可以有更多互動同交流,畀大家一個休閒舒適嘅空間。

一加一($55)
一加一($55)

一加一($55)

咖啡由厚啉。咖勹一主理,採訪當日嘅House Blend係從高雄烘焙、埃塞俄比亞日曬同水洗豆嘅拼配,中淺烘焙帶出咖啡風味層次。一加一係指Espresso同Piccolo,建議先飲Espresso,酸甜平衡;Piccolo嘅花香同甜感更為突出,帶Nutty風味。

手沖咖啡($70起)
手沖咖啡($70起)

手沖咖啡($70起)

手沖咖啡用嘅單品豆可以選擇厚啉。咖勹一從台北、高雄、宜蘭嘅烘焙咖啡豆,亦有本地烘焙嘅Guset Bean。拍攝呢款係高雄程式咖啡幫佢哋烘焙嘅埃塞俄比亞日曬咖啡豆,前段花香同甜味突出,中段乾淨酸甜似藍莓汁,後韻香甜帶提子風味,層次分明。

冬瓜茶拿鐵(價錢待定)
冬瓜茶拿鐵(價錢待定)

冬瓜茶拿鐵(價錢待定)

即將推出嘅冬瓜茶拿鐵最有台灣特色,冬瓜茶選用高雄老店天池傳統古法製作,以原片冬瓜炒12鐘頭嘅黑糖冬瓜煮成,無添加任何化學香料或防腐劑。用可愛嘅玻璃樽裝住,入口先有黑糖香同冬瓜嘅清甜感,之後係奶啡嘅香醇,口感柔滑而整體感覺清爽,甜而不膩。

台式芋泥卷($45)
台式芋泥卷($45)

台式芋泥卷($45)

手工甜點就由月食·甜點研究所主理,每日新鮮製作而且係低糖配方,希望突顯食材原味,而且更適合配咖啡享用。台式芋泥卷選用台灣著名大甲芋頭製作,剩係整手工芋泥就要整三個鐘!綿滑嘅芋泥當中特別保留一部分芋頭原粒增加口感層次,微甜富芋頭天然香氣。配搭濕潤鬆軟帶蛋香嘅蛋糕,同香甜富奶味嘅忌廉一齊食,無論味道同口感層次都好豐富。

黑芝麻戚風蛋糕(季節限定,$55)
黑芝麻戚風蛋糕(季節限定,$55)
裡面嘅戚風蛋糕口感鬆軟回彈,黑芝麻香越食越明顯。
裡面嘅戚風蛋糕口感鬆軟回彈,黑芝麻香越食越明顯。

黑芝麻戚風蛋糕(季節限定,$55)

選用屏東金弘麻油花生行無糖無添加嘅古法柴燒純黑芝麻醬製作,外層嘅忌廉更咬得到黑芝麻顆粒,裡面嘅戚風蛋糕口感鬆軟回彈,黑芝麻香越食越明顯。加上自家製嘅芝麻脆脆,增添香脆口感。提提大家,因為甜點係人手製作,數量有限,想試齊咁多款建議早少少去呀。

為甜點係人手製作,數量有限,想試齊咁多款建議早少少去呀。
為甜點係人手製作,數量有限,想試齊咁多款建議早少少去呀。
店主選物。
店主選物。

店主選物包括新竹地方誌《貢丸湯》,香港上善若陶手工陶器,厚啉。咖勹一咖啡掛耳包禮盒等

鳥山。商號
鳥山。商號

鳥山。商號
地址:紅磡蕪湖街111號蕪湖居地下C2號舖