細細粒陳嘉佳體重暴跌70磅 網民憂身體隱藏健康問題

本月底就迎嚟38歲嘅細細粒（陳嘉佳）近年長駐內地發展，擔任「吃播主」，試過喺直播中向觀眾推薦美食「帶貨」、挑戰大胃王去日本餐廳一個人食五人份量嘅食物，靠食嘢打響名堂。細細粒曾與苑瓊丹拍片時公開三圍為「53、53、53」，但早前自爆已由約287磅跌至約218.4磅。而細細粒近照曝光，惹嚟網民紛紛討論其身型。從照片中見到，全黑打扮拎住CHANEL手袋嘅細細粒坐低咗喺街頭小食檔旁，佢雙腿離奇地幼，與上身比例可謂上闊下窄；而細細粒雙腿更出現鬆泡泡及皺起情況，疑似係瘦身後所衍生出嚟，唔少網民都擔心細細粒腿部有否足夠肌肉去支撐其身驅，又會否隱藏其他健康問題，認為佢應該去檢查血糖及多做運動。

細細粒平時除咗分享美食影片，更曾拍片介紹紐西蘭基督城獨棟花園別墅屋企，片中所見別墅逾10萬平方呎，採用複式設計，具有兩個客廳、桌球台、客房、開放式廚房，主人房、三間客房及室外大花園，細細粒更加於片中表示；「我就是富婆啊，Vivian全世界其中一個家給你介紹好了」，可見近呢幾年賺到盆滿缽滿。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！