網上熱話｜澳門催生廣告賣萌惹嘲諷：講到好似生瘡咁易｜Yahoo

澳門人口出生率持續下降，政府絞盡腦汁「催生」，近日便推出短片鼓勵生育。題為「生兒育女 倍添幸福」的宣傳片講述一家四口海邊休憩，手法平淡而新奇，引發網民熱議。有人要求「可唔可以有啲劇情，有啲內容？」也有留言表示欣賞內容應景、好真實。

「一啲說服力都無喎」

短片由澳門社會工作局於上周推出，至今已錄得 22 萬次點擊、過千人給反應，還有九百多個回應。48 秒的片段中，一對年輕父母與一對年幼子女在海邊閒坐，女兒在吃蛋糕，這時候一對情侶走近打招呼，男的讚賞孩子可愛，女的表示「其實我哋都可以生返個吖」。

觀眾會否被短片打動考慮生育？從留言中可以找到答案。有人質疑：「​​可唔可以有啲劇情，有啲內容？你話返工好有壓力，放工返去見到自己啲小朋友，感到溫暖都好啲，你而家咁即係因為小朋友可愛就要生？一啲說服力都無喎。」另一網民也質疑：「講到生仔好似生瘡咁容易。」

不過有留言對短片表示欣賞：「生完要坐海邊食麵包，好真實的劇情。」「幾應景呀，一家四口街邊食半個麵包，弟弟見到姊姊食半個麵包流晒口水。」也有很多網民貼上可愛貓狗圖回應，表示「呢啲仲可愛喇」。有人則認為短片有用：「呢啲廣告同騙案一樣，你以為佢低能無人會上當咩？偏偏就係會有人中招。」

根據澳門兒童數據資料庫，澳門去年（2023 年）每千人口只有 5.5 名新生嬰兒，雖然遠高於香港的 4.4 ，但已創下 1985 年有記錄以來新低。去年 11 月，澳門社會文化司司長歐陽瑜在施政辯論大會表示，制訂鼓勵生育政策相當苦惱，截至 2020 年，夫婦生育每名嬰兒，每人可獲 5,418 元，已明顯高於 2018 年的 1,957 元，但出生率不升反降。