網民不值淪大茄 好戲在後頭 黃智雯「體驗」女人最痛:流咗一年嘅眼淚

·2 分鐘文章
黃智雯坦言久未宣傳新劇,所以悉心打扮一番。
黃智雯坦言久未宣傳新劇,所以悉心打扮一番。

無綫花旦黃智雯於新劇演出被網民指似「戥腳」,但原來好戲在後頭,稍後將交代其角色流產,她指拍攝時哭到死去活來,要靠拍檔袁偉豪加以安慰,她還打趣指哭掉整年的眼淚。

黃智雯、袁偉豪、王敏奕、陳家樂及劉佩玥等昨午出席無綫熱播劇《把關者們》宣傳,王敏奕及黃智雯不約而同穿上低胸裙搶鏡,後者笑說:「係悉心打扮嘅,好耐冇出席劇集宣傳,心情仲有啲緊張添!」對於黃智雯被網民指戲份少似「戥腳」,王敏奕幫手解圍:「即將講佢同袁偉豪嘅夫妻感情,就會好多發揮。」黃智雯亦接口表示:「跟住會交代我經歷女人最痛(流產),開始趨向激情演出。我份人比較冷靜,今次演出喊咗成年嘅眼淚,Cut機都唔識收聲,袁偉豪喺隔籬安慰我。我本身冇小朋友,係幻想自己失去咗狗仔。」

王敏奕恭喜老爺志偉升職

劇中王敏奕扮演精明海關,現實生活中同樣自覺醒目的她,笑言被老公曾國祥嫌蠢:「佢成日話我唔叻,咁我最叻咪揀咗佢做老公囉。(老爺曾志偉升職!)恭喜佢。(怕唔怕畀觀眾又話你有機會?)相信觀眾嘅眼睛係雪亮,睇得出我嘅努力,自然有機會啦!」

陳家樂生日收大利是

另外,本月12日35歲生日的陳家樂,獲送上蛋糕慶祝,他表示:「希望大家早日除低口罩、去吓旅行。」他指生日要開工:「生日有工開即係新一年好開始。(有冇人約你?)冇喎,都好多年冇慶祝,最多同屋企人食餐飯。(帶女友返去,見過家長 未?)唔識答呀!」期間頻抹汗,相當搞笑。他又指嫲嫲已送上大利是,又笑言想捧她做KOL。

而劉佩玥早前於緋聞男友周志文的生日貼文留言「要好好的」,即惹分手疑雲,她笑說:「我嘅感情生活無風無浪、工作穩定。知佢喺北京孤單會辛苦,打吓氣啫!」

黃智雯(左)指有網民笑她與王敏奕有She She Feel。
黃智雯(左)指有網民笑她與王敏奕有She She Feel。
陳家樂即席獲送蛋糕預祝生日。
陳家樂即席獲送蛋糕預祝生日。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能