羅子溢冧掂No.1美女 搵番初戀

東方日報
·2 分鐘文章
李彩華童心未泯,幫羅子溢加對牛角!
李彩華童心未泯,幫羅子溢加對牛角!

踏入新一年,藝人羅子溢與李彩華希望疫情減退,整個社會重新出發!李彩華準備好再拍拖,但卻明言無意再婚;子溢則慨嘆自己「失戀」,返港與囡囡重逢時,對方竟如見陌生人般爆喊!

羅子溢與李彩華(Rain)在新劇《家族榮耀》飾演一對,不乏浪漫場口,談到首次合作,子溢透露獻出「第一次」﹕「我對住佢唱佢嘅歌,緊張到爆!(鍾意唱歌?)我寧願拍喊戲或者愛情動作片!(試過對住太太楊茜堯唱?)我唔會對住佢唱,收錢o架!」

回復單身不久的Rain,直言已調校好心態,準備再墮愛河。全程四萬咁口的她,不否認有追求者,但情人節冇着落,子溢自告奮勇介紹對象,她即笑說:「真嘅話,包封媒人利是畀你。」新一年她寄望桃花運爆發,但不想再婚:「(有另一半)有時都幾煩,好似上一段咁,(前夫)極唔想我拍親熱戲。」

小別兩個月成陌路

至於子溢早前跟愛女「小珍珠」小別兩個月,他苦笑說:「都預咗,點知佢真係唔認得我,返屋企抱佢嗰陣,佢即刻爆喊!(點算?)我化身人肉升降機,抱高佢飛嚟飛去同佢玩,幾日後,初戀嘅感覺返嚟喇!」他更無懼太太呷醋,公開示愛:「我個女係全世界最靚嘅女生,冇人可以取代佢。」此外,疫情令其「晒女」大計失預算:「囡囡第一次過年,原本諗住幫佢扮靚靚,四出見吓長輩,依家改為喺屋企影相囉!(情人節有咩驚喜畀太太?)仲諗緊,今年點都要做啲嘢。」Rain即搭訕:「因為想生多個仔?」令他一臉尷尬!

李彩華
李彩華