羅浩楷椎間盤突出息影多年 罕有現身節目:往事只能回味

·2 分鐘文章
羅浩楷
羅浩楷

人稱「扮嘢王」嘅羅浩楷因為同參加今屆香港小姐面試嘅「東涌羅浩楷」利愛安(Kirsten)撞樣再度受關注,近日佢就喺鄧英敏主持嘅網上節目《老友鬼鬼傾吓偈》大談當年喺娛樂圈嘅深刻經歷。

71歲嘅羅浩楷2004年拍《皆大歡喜》時因大動脈閉塞致心絞痛,2015年拍完劇集《東坡家事》後因為椎間盤突出令腰骨無法挺直而暫停演藝工作,當時需要戴上頸箍,一度要依靠輪椅代步。經過長期治療病情先得以舒緩,但前年開始羅浩楷又出現眼疾問題。

喺《老友鬼鬼傾吓偈》片段中所見,羅浩楷雖然未能坐直,但精神相當唔錯,仲識開玩笑話:「以前完全不舉(脖子),現在可以舉,可以左望右望。」當提到當年17歲因國泰電影公司訓練班入行後,轉拍粵語片而遇上師傅呂奇,佢就即席模仿呂奇嘅經典電影對白,同時表示《難兄難弟》「呂奇」一角好多招牌動作都係由佢構思:「呢個角色係我好辛苦咁創造出嚟,點知最後乜嘢演出都冇我份,唔知咩原因,(影片)出咗嚟之後,個個都扮過,其實係扮我,唔係扮我師傅。」

羅浩楷更回憶當年成為酒廊熱門歌手經歷,指唱歌以外,負責安排藝人到酒廊演出,自爆嗰陣收入唔錯,但因為自己有錢就亂洗,亦試過炒股輸掉百萬,宜家回想只唏噓表示:「不要想當年,往事只能回味。」

影片截圖
影片截圖
影片截圖
影片截圖
影片截圖
影片截圖
《東坡家事》截圖
《東坡家事》截圖
《皆大歡喜》截圖
《皆大歡喜》截圖
《My盛Lady》截圖
《My盛Lady》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能