美麗40路｜仙迪被參賽者票選為最有性吸引力 Belle認鹹濕但不代表會出軌

昨晚(16日)《美麗40路》主持Vivian、Scarlett以及嘉賓魔法塔羅師Jan Jan，連同15位參賽者一同「星星相識」，大談星座和性格。當Jan Jan提出人馬座是12星座中的遲到大王時， Vivian即時反應超大地說：「我認同！」，更指自己有位人馬座的朋友，相約7時吃飯，她卻7時才開始化妝換衫。但同屬人馬座的彭方廷(Kiko)、陳雅慧(仙迪)和周雅韻(Connie)卻不表認同，紛紛表示自己是會早到的人。不過她們的說辭卻敵不過有力的證據，仙迪和Connie均被製作組拍下遲到一刻，而遲到4人組Connie、葉慧如(Heidi)、朱筠雅(Katchupx)和趙芮嵐(Yolanda)還不約而同地將遲到理由歸咎於個天，指當日因為落大雨截不到車，Yolanda更稱：「天意嘅嘢，個天要咁樣我哋都冇辦法！」

至於天蠍座則被Jan Jan指為最有性吸引力的星座，而全場唯一是天蠍座的高以嘉聽見後即笑說：「所以我生了3個小朋友。」但曾凱霖(Belle)卻直指難以想像以嘉這一面，反而仙迪被其他參賽者票選為最有性吸引力的一人。仙迪知道後大叫：「你哋唔好用啲鹹濕嘅眼神嚟睇我啦！」不過Scarlett卻踢爆仙迪原來也投了自己一票，投票原因還寫下「唔係要答呀！？」而一向文靜的馬麗如(Taylor)投選仙迪的原因更露骨地寫下「覺得仙迪在特殊時間會有不同的花式玩法」，一改平日人設，被Vivian笑稱：「真係唔聲唔聲嚇我一驚。」

而當講到最容易出軌的星座是人馬座以及水象星座，例如：巨蟹座、雙魚座、天蠍座時，林慧倩(Giselle)隨即咬牙切齒地指：「巨蟹座嘅男人真係完全係一個仆X嚟，絕對渣男。」而Belle則以5票被選為最容易出軌一人，Kiko指投票原因是因為私底下閒談時發覺Belle對黃色話題很有研究。Belle聽後即澄清自己只是鹹濕，並不代表容易出軌。

Jan Jan之後還用塔羅牌占卜三甲人選特徵，結果顯示三甲人選會令人大跌眼鏡之餘，甚至會引起公憤。Scarlett聽後笑稱：「你可能啱，因為我哋監製同我哋睇嘅嘢好唔同。」全場即時哄堂大笑，看來大家也非常認同。Jan Jan還指其中一張牌出現一個男人，代表男人有機會攪亂件事，所以最好不要給男人投票。而且這張牌是屬於結果牌，亦代表男人就是小人，所以建議大熱參賽者要多些向男人拉票。此時Katchupx卻突破盲點，指出「首先要知道自己是大熱才有用」。之後Jan Jan占卜落選參賽者特徵時，Katchupx再次充滿智慧地指：「係咪就係大熱人選呢？」令Scarlett也禁不住問：「點解你突然之間叻咗咁多嘅？」