老友關心 擊中要害 江美儀啞忍失婚痛 崩潰爆喊

·2 分鐘文章
江美儀首度於鏡頭前哭訴失婚之痛。
江美儀首度於鏡頭前哭訴失婚之痛。

離婚多年的藝人江美儀日前在其主持的節目中,被嘉賓兼好友單立文「反客為主」直問失婚感受,多年的傷痛似乎還未愈合,她當場失守、崩潰痛哭,自爆當時有苦無路訴:「樣樣嘢都係自己去吞晒!」

江美儀2018年宣布與男友吳君祥已分手兩年,未幾即被本報踢爆並非情侶分手,而是夫妻情盡,離婚收場,因他們早於2006年在美國西雅圖秘密註冊結婚。回復單身多年的江美儀一直低調少談失婚的傷痛,但日前與林盛斌主持無綫J2節目《Mean Talk》時,觸及失婚之痛,首度在鏡頭前崩潰爆喊。

與滕麗名一起擔任嘉賓的單立文,直問江美儀離婚的心情,並一臉心痛的捉着她的手,眼濕濕哽咽地說:「我哋真係好關心你,但又唔敢去騷擾你,驚會觸動你好多情緒,但又驚你頂唔順,覺得你承受好多嘢,唔會同我哋講。我覺得你點解咁傻、要孭起咁多嘢?同我哋講嘛,又唔係唔熟,你知唔知啫?」

單立文真情流露

面對好友的真情,江美儀既感動又感慨,邊哭邊說:「當時我都唔知可以同邊個講,有時兩個人相處,去到要離婚,未必係因為一件事發生咗,可能係好多嘢一直去積累,積累到直情令我覺得:我嘅人生係咪應該繼續落去?兩個人傾完之後覺得分開仲好啲,其實你哋知時,已經係好後,呢件事發生咗好耐好耐。」

江美儀續說其經理人指她不懂釋放,只有啞忍,她說:「樣樣嘢都係自己去吞晒,唔好見我咁tough(堅強),我都有人恰,我情願自己(搞掂)就算,其實表面好似好開心,但我唔係真係咁開心。」她又指因疫情致工作量減,在沒有寄託下,一度曾胡思亂想。

節目後眾人接受節目《東張西望》訪問,單立文說:「做朋友應該互相扶持,唔通落井下石?(本來都有計劃要攻陷江美儀?)我對燈火發誓,我單立文之前冇諗過呢啲嘢。」江美儀即搞笑說:「我知佢冇,因為佢冇咁好戲!」而滕麗名接力「補刀」:「係呀!佢個腦冇轉得咁快!」

江美儀與吳君祥相戀多年,最後離婚收場。
江美儀與吳君祥相戀多年,最後離婚收場。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能