聲夢傳奇2|趙紫諾Sabrina超班演出獲最高分 Crystal出局 Angel被封「Aeren 2.0」

聲夢傳奇2|趙紫諾Sabrina超班演出獲最高分 Crystal出局 Angel被封「Aeren 2.0」
聲夢傳奇2|趙紫諾Sabrina超班演出獲最高分 Crystal出局 Angel被封「Aeren 2.0」

無綫歌唱選秀節目《聲夢傳奇2》日前(25日)播出第3集,呢集開始就係淘汰賽,由舒文、 張佳添、伍樂城等現場25名專業評審點評及按下紅或綠燈示意過關與否,每集將淘汰一個參賽者。第3集中,就以梁芷菁(Crystal)得8盞綠燈最低分,成首位出局學員;至於年僅13歲已擁有強勁履歷嘅趙紫諾(Sabrina)就獲得最高分。

今次就先由其中6位學員比賽:趙小婷(Pamela)、金永衡(金仔)、劉詠彤(Angel)、任暟晴(Jasmine)、趙紫諾(Sabrina)、梁芷菁(Crystal)。其中,於第二集表演已經超班,令導師林奕匡(Phil)及Gin Lee搶人入隊嘅Sabrina獻唱JC陳泳彤《說散就散》,就獲得23盞綠燈;不但被師姐姚焯菲(Chantel)大讚起晒雞皮,更被「魔鬼總監」Eric Kwok讚賞其聲線:「呢個世界發生咩事,點解十三歲係咁?佢把聲好正,好厚、有啲沉同沙,希望佢唔好變聲。」網民亦一致讚好Sabrina嘅表現,留言指:「不能想像13歲能唱到這水準,香港樂壇又多一位有實力新星」、「可以直接出道啦!!!!可造之材!!!!!!!!」、「TVB又執到寶,期待遲下可以同Gigi一較高下」、「唱功、表現力、穩定性已經好成熟。」等等。

至於另一大熱Jasmine演唱謝霆鋒《玉蝴蝶》,雖然忙於應付考試,但經導師Gin Lee教導後擺脫古典唱法,獲得19盞綠燈,成第二高分嘅學員。劉詠彤(Angel)演唱鄭秀文《發熱發亮》以13盞綠燈落入危險區,不過最後表演者梁芷菁(Crystal)演唱陳凱詠《I Wish》一曲就因音準問題僅獲8盞綠燈,需離開聲夢舞台,令導師泳兒同其他學員落淚,與Crystal感情要好嘅Jasmine更一齊相擁爆喊。網民就表示估唔到淘汰Crystal,認為佢Package唔錯及表現唔差,無理由咁低分,相反覺得連續兩集落入危險區嘅Angel更應被淘汰,被指如《聲夢傳奇》文凱婷(Aeren)一樣打不死,更貫以「Aeren 2.0」之稱:「Aeren 2號,應該可以不憑唱功只憑強運入決賽」、「感覺她好像以前的aeren」、「tvb又想整個打不死Aeren 2.0??」等等。都有網民認為兩者聲音都唔穩定,但覺得Crystal揀錯歌比賽,而Angel嘅表演睇得出佢自信滿滿,見到佢嗰團火同比較多潛力。

《聲夢傳奇2》截圖
《聲夢傳奇2》截圖
《聲夢傳奇2》截圖
《聲夢傳奇2》截圖
《聲夢傳奇2》截圖
《聲夢傳奇2》截圖
《聲夢傳奇2》截圖
《聲夢傳奇2》截圖
《聲夢傳奇2》截圖
《聲夢傳奇2》截圖
《聲夢傳奇2》截圖
《聲夢傳奇2》截圖
《聲夢傳奇2》截圖
《聲夢傳奇2》截圖
《聲夢傳奇2》截圖
《聲夢傳奇2》截圖
《聲夢傳奇2》截圖
《聲夢傳奇2》截圖
《聲夢傳奇2》截圖
《聲夢傳奇2》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能